सेञ्चुरी बैंकको पहिलो त्रैमासमा भन्दा दोस्रो त्रैमासको नाफामा २०० प्रतिशत बृद्धि

अर्थ र बाणिज्य

काठमाडौं। सेञ्चुरी कमर्सियल बैंक लिमिटेडले चालू आवको दोस्रो त्रैमासमा संचालन मुनाफा ३२ करोड ७४ लाख रुपैयाँ तथा खुद मुनाफा २२ करोड ३९ लाख रुपैयाँ गरेको छ ।
बैंकले जारी गरेको प्रेस बिज्ञप्तिअनुसार बैंकको खुद मुनाफा गत वर्षको तुलनामा ३९।३० प्रतिशत बढी हो भने प्रथम त्रैमासभन्दा २०१।५० प्रतिशतले बढि हो ।

चालु आवको दोस्रो त्रैमासमा बैंकको चुक्तापूँजी ३ अर्ब ६८ करोड रुपैयाँ पुगेको छ भने जगेडा कोषमा ८३ करोड ५९ लाख रुपैयाँ राखिएको बैंकले जनाएको छ । बैंकले ३२ अर्ब ६८ करोड रुपैयाँ निक्षेप संकलन गरी २९ अर्ब १ करोड रुपैयाँ कर्जा प्रवाह गरेको छ ।

अघिल्लो वर्षको यही अवधिमा बैंकले २४ अर्ब ८ करोड निक्षेप संकलन गरी २० अर्ब ८४ करोड कर्जा प्रवाह गरेको थियो ।

बैंकको प्रति शेयर आम्दानी १२ रुपैयाँ १४ पैसा, प्रति शेयर नेटवर्थ १ सय २२ रुपैयाँ ६६ पैसा तथा मूल्य आम्दानी अनुपात २७।५१ गुणा कायम भएको प्रेस बिज्ञप्तिमा उल्लेख छ ।

नेपाल राष्ट्र बैंकले दिएको निर्देशन अनुसार ८ अर्ब पूँजी तोकिएकै समयमा पुर्याउने समेत बैंकले जनाएको छ । यसकालागि बैंकले इनोभेटिभ डेभलपमेन्ट बैंक तथा अरनिको डेभलपमेन्ट बैंकलाई प्राप्ती गर्न नेपाल राष्ट्र बैंकबाट सैद्धान्तिक सहमति प्राप्त गरिसकेकोे छ ।

नपुग रकम हकप्रद तथा बोनस शेयर जारी गरी पु¥याउने लक्ष्य लिएको समेत बैंकले जनाएको छ ।

बैंकले हाल ३१ वटा शाखा, २९ वटा ए।टी।एम्, १३ वटा शाखारहित बैंकिङ्ग र ३ वटा एक्सटेन्सन् काउन्टरबाट बैकिङ्ग सेवा दिँदै आइरहेको छ । साथै, प्राप्ती पश्चात् बैंकको शाखा संजाल ५४ वटा हुने समेत बैंकले जनाएको छ ।