प्रभु इन्स्योरेन्सको हकप्रद सेयर आजबाट भर्न सकिने

अर्थ र बाणिज्य

काठमाडौँ। प्रभु इन्स्योरेन्स कम्पनीले बुधबारदेखि हकप्रद शेयर निस्कासन गरेको छ। कम्पनीको सेयर चैत ३ गतेसम्म दोस्रो बजारमा शेयर खरिद गरेका र साबिक शेयरधनीले आवेदन दिन पाउने छन्। कम्पनीले पूँजीको ५० प्रतिशत हकप्रद शेयर निस्कासन गरेको हो।

कम्पनीले हकप्रद आउँदो जेठ २ गतेसम्म भर्न पाइन्छ। प्रभु क्यापिटल र प्रभु बैंकको सम्पूर्ण शाखाहरुबाट हकप्रदमा आबेदन दिन सकिने छ। हकप्रदमा आबेदन दिन कम्पनीको वेबसाइट मार्फत् फारम डाउनलोड गर्न पनि सकिन्छ।

कम्पनीले १९ लाख २५ हाजर ७८ कित्ता हकप्रद निस्कासन गरेको हो। हाल ३८ करोड ५० लाख रुपैया चुक्ता पूँजी रहेको छ। पुस मसान्तसम्म कम्पनीले दुई करोड ९२ लाख रुपैयाँ खुद मुनाफा आर्जन गरेको थियो। हकप्रद निस्काशनपछि कम्पनीको कुल चुक्ता पूँजी करिब ५८ करोड पुग्ने छ। म्पनीले गत वर्षको मुनाफाबाट १७ प्रतिसत बोनस शेयर दिएको थियो। कम्पनीले बिमा समितिको नयाँ निर्देशन अनुसार २०७५ असार मसान्तसम्म पूँजी एक अर्ब रुपैयाँ पुर्याउनु पर्छ।