ताजा समाचार

इन्भेष्टमेण्ट बैंकले ६ महिनामा १ अर्ब ८३ करोड नाफा कमायो

अर्थ र बाणिज्य
-
       

काठमाडौं, १४ माघ । नेपाल इन्भेष्टमेण्ट बैंकले चालु आर्थिक वर्षको पुस मसान्तसम्म १ अर्ब ८३ करोड नाफामा कमाएको छ । अघिल्लो बर्षको सोहीसम्ममा बैंकले १ अर्ब ५८ करोड नाफा कमाएको थियो । सो अबधिको तुलनामा बैंकको चालु आर्थिक वर्षको नाफामा २१ करोड रुपैयाँले वृद्धि गरेको छ ।

बैंकले चालु आर्थिक वर्षको पुस मसान्तसम्ममा १ खर्ब २९ अर्ब निक्षेप संकलनगरी १ खर्ब १३ अर्ब रुपैयाँ कर्जा प्रबाह गरेको छ । चालु आर्थिक वर्षको छ महिनामा बैंकको व्याज आम्दानी ६ अर्ब ४२ करोड छ भने, व्याज खर्च ३ अर्ब ७० करोड रुपैयाँ भएको छ ।

बैंकको खराब कर्जामा वृद्धि भएको छ । गत आर्थिक वर्षको पुष मसान्तसम्ममा बैंकको खराब कर्जा ०.७० प्रतिशत रहेकोमा चालु आर्थिक वर्षको ६ महिनामा यस्तो कर्जा बढेर १.१२ प्रतिशत पुगेको छ । बैंकको चुक्तापुँजी १० अर्ब ६२ करोड रहेको छ भने प्रतिसेयर आम्दानी ३४.६२ रुपैयाँ रहेको छ ।

Comments

प्रकाशित मिति : 2018-01-28

अरु समाचार

© NewsNepal 2018 - All Right Reserved.
newsnepal.com 2017.hlon.org