विश्वकप क्वालिफायर तयारीका लागि सन्दिपको अफ्रिका यात्रा अन्यौलमा
काठमाडौं । जिम्बावेमा हुने विश्वकप क्वालिफायरको तयारीका लागि नेपाली राष्ट्रिय क्रिकेट टीम मंगलबार बेलुकी दक्षिण अफ्रिकातर्फ प्रस्थान गर्दैछ । तर, टीमका प्रमुख खेलाडी सन्दीप लामिछाने दक्षिण अफ्रिका जाने वा नजाने अझै टुंगो लाग्न सकेको छैन । जिल्ला अदालतमा विचाराधीन मुद्दामा एकपछि अर्को सुनवाई स्थगित हुँदा सन्दीपको दक्षिण अफ्रिका र जिम्वावे भ्रमण अन्योलमा परेको हो । फैसलाको चरणमा पुगे पनि जिल्ला अदालतका न्यायाधीशहरुले विभिन्न बहानामा लगातार पेशी सारिरहेका छन् ।
पछिल्लोपटक गत आइतबारका लागि तोकिएको पेशीमा न्यायाधीसले पहिले आइसकेका कागजातहरु फेरि दोहोर्याएर पेश गर्न आदेश दिँदै सुनवाई स्थगित गरे । अर्को पेशी आगामी मंगलबारलाई तोकिएको छ । अदालतमा मुद्दाको सुनवाई र फैसलामा अनावश्यक बिलम्ब हुँदा सन्दीप निराश बन्दै गएको निकटस्थ स्रोतले बतायो । मंगलबारको सुनवाई समेत स्थगित भएको खण्डमा उनी दक्षिण अफ्रिका नजाने मनस्थितिमा रहेको स्रोतको दाबी छ । हिजो नेपाल क्रिकेट संघ ९क्यान० का पदाधिकारीसँग भएको छलफलमा पनि उनले आफ्नो गुनासो राखेका थिए ।
‘मुद्दा किनारा नलाग्दा निरन्तर मानसिक दवाव र तनावका बीच मैदानमा पफर्मेन्स गर्न गाह्रो हुन्छ,’ सन्दीपको भनाइ उद्धृत गर्दै स्रोतले भन्यो । क्यानले भने सन्दीपलाई जसरी पनि दक्षिण अफ्रिका लैजानका लागि प्रयास गरिरहेको छ । क्यानका प्रवक्ता दुर्गाराज पाठकले सन्दीप नेपाली टिमको अत्यन्त महत्वपूर्ण खेलाडी भएकाले उनलाई टिममा छुटाउँदा महंगो पर्न सक्ने बताए ।
‘हाम्रोतर्फबाट सबै पहलहरू भइरहेका छन्, आशा छ कि उनी दक्षिण अफ्रिका र जिम्बाबेको भ्रमणमा जाने टिममा हुनेछन्,’ उनले भने । तर, धेरै कुरा मंगलबारको पेशीमा निर्भर रहने देखिएको छ । यदि त्यस दिन सुनवाई अघि बढ्यो भने सन्दीप नेपाली टीममा उपलब्ध हुनेछन् । भएन भने उनलाई दक्षिण अफ्रिका नजान कानूनी टीमले पनि सल्लाह दिएको छ ।
फौजदारी मुद्दामा पेशीको २१ दिनभित्र अदालतमा आरोपी आफैं उपस्थित भएर तारेख बुझ्नुपर्ने हुन्छ । अन्यथा अदालतमा राखेको धरौटी जफत हुने प्रावधान छ । सन्दीप २० लाख रुपैयाँ धरौटी राखेर छुटेका हुन् । दक्षिण अफ्रिका र जिम्बाबेको भ्रमण झण्डै डेढ महिनाको छ । डेढ महिनासम्म अदालतमा उपस्थित नहुँदा २० लाख धरौटी जफत हुने भएकाले प्राविधिक कठिनाइ भएको हो ।
सन्दीपका तर्फबाट बहस गरिरहेका अधिवक्ता सरोज घिमिरेले सन्दीपको दक्षिण अफ्रिका जाने वा नजानेबारे मंगलबार नै निधो हुने बताए । ‘मंगलबार पनि सुनवाई भएन भने हामीले दक्षिण अफ्रिका नजान उहाँलाई सुझाव दिएका छौं,’ उनले भने, ‘विदेशबाट २१–२१ दिनमा नेपाल फर्किएर अदालत हाजिर हुने कुरा अव्यवहारिक हुनुका साथै यसले अनावश्यक मानसिक दवाव मात्रै थपिन्छ ।’ दोस्रो विकल्प भनेको सन्दीप दक्षिण अफ्रिका नगएर सिधै जिम्बाबे जाने हो । जिम्बाबेमा हुने विश्वकपको ग्लोबल क्वालिफायरमा नेपालको पहिलो अभ्यास खेल ३० जेठमा छ ।
Comments
अरु समाचार
-
ला लिगाको उपाधि रियल मड्रिडको पोल्टामा
काठमाडौं । रियल मड्रिडले ३६औं पटक स्पानिस ला लिगाको उपाधि जितेको छ । ला लिगामा दोस्रो स्थानको बार्सिलोना शनिबार राति...
-
वेस्ट इन्डिज ‘ए’ माथि नेपालको ६ विकेटको जीत
काठमाडौं । ओपनर आसिफ शेख र अनिल साहको अर्धशतकप्रेरित नेपालले ट्वान्टी–२० शृंखलाको अन्तिम खेलमा वेस्ट इन्डिज ‘ए’विरुद्ध ६ विकेटको सहज...
-
आईपीएल: शीर्ष स्थानको राजस्थानमाथि हैदरावादको १ रनको सनसनीपूर्ण जित
काठमाडौं। इन्डियन प्रिमियर लिग (आईपिएल) अन्तर्गत गएराति भएको खेलमा शीर्ष स्थानको राजस्थान रोयर्ल्समाथि सनराइजर्स हैदरावादले १ रनको सनसनीपूर्ण जित निकालेको...
-
वेस्टइन्डिज ‘ए’ले जित्यो टस, नेपालले पायो फिल्डिङको निम्तो
काठमाडौं । वेस्ट इन्डिज ‘ए’ सँगको चौथो खेलमा नेपालले पहिले फिल्डिङ गर्ने भएको छ । बिहीबार कीर्तिपुरस्थित त्रिवि क्रिकेट मैदानमा...
-
टी-२० सिरिज अन्तर्गत नेपालले आज वेस्टइन्डिजसँग चौंथो खेल खेल्दै
काठमाडौं । वेस्टइन्डिज ए सँगको टी-२० सिरिजअन्तर्गत नेपालले आज चौंथो खेल खेल्दैछ । खेल दिउँसो १२ स् १५ मा त्रिवि...
-
आइपीएलः पञ्जाबले चेन्नईमाथि ७ विकेटको सहज जित हात हात पार्यो
काठमाडौं । पञ्जाब सुपर किंग्सले इन्डियन प्रिमियर लिग (आईपीएल) २०२४ को ४९ औं खेलमा चेन्नई सुपर किंग्समाथि ७ विकेटको सहज...
-
राेहितकाे कप्तानीमा टी–२० विश्वकप खेल्ने नेपाली टाेलीकाे घाेषणा
काठमाडौं । नेपाल क्रिकेट संघ (क्यान)ले विश्वकप खेल्ने नेपाली टोलीको घोषणा गरेको छ । बुधबार क्यानले टिमको घोषणा गरेको हो ।...
-
वेस्ट इन्डिज ‘ए’द्वारा नेपालसामु २२८ रनको लक्ष्य
काठमाडौं । टी–ट्वान्टी शृङ्खलाको तेस्रो खेलमा वेस्ट इन्डिज ‘ए’ले नेपालसामु जितका लागि दुई सय २८ रनको लक्ष्य प्रस्तुत गरेको छ...
-
टस हारेर फिल्डिङ गर्दै नेपाल, दीपेन्द्र सिंहको कप्तानी
काठमाडाैं। पाँच खेलको टी–२० श्रृङ्खला अन्तर्गत आज नेपाल र वेस्ट इन्डिज ‘ए’ बीच तेस्रो खेलमा वेस्ट इन्डिज ‘ए’ले टस जितेर...