सांसद अधिकारीको टिप्पणी, राष्ट्रिय सभाले दायित्व बिर्सियो
काठमाडाैँ २२,असोज । सांसद एवं वरिष्ठ अधिवक्ता राधेश्याम अधिकारीले राष्ट्रिय सभाले आफ्नो दायित्व पूरा गर्न नसकेको टिप्पणी गरेका छन् । प्रतिनिधिसभाको पूरकसभाका रूपमा रहेको राष्ट्रिय सभाले संघीयता कार्यान्वनयका लागि भूमिका खेल्नुपर्ने भए पनि त्यसमा चुकेको उनको भनाइ थियो ।
संसदीय मामिला पत्रकार समाजले गोदावरीमा गरेको संघीय पत्रकारितासम्बन्धी अन्तरक्र्रिया कार्यक्रममा उनले आफैं सदस्य भए पनि राष्ट्रिय सभाले आफ्नो दायित्व भुलेको भन्दै आलोचना गरे ।
दुवै संविधानसभामा सदस्यसमेत रहिसकेका अधिकारीले संघीय संसद्ले लाजमर्दो रूपमा कानुन निर्माण गरेको बताए । हालसालै पारित भएका मौलिक हकसँग सम्बन्धित १६ वटा विधेयक छलफलबिनै कानुन बनेको उनको भनाइ थियो ।
‘मौलिक हकसम्बन्धी विधेयक यति लाजमर्दो ढंगले पारित भयो कि हामी सांसदले पाना पनि पल्टाउन पाएनौं,’ उनले भने, ‘संशोधन दर्ता गर्न ३ घण्टाको समय दिएको छ भन्न पनि सकेनौं ।’ उनले संसद् र समितिले आफ्नो काम प्रभावकारी बनाउन कार्ययोजना बनाएर अघि बढ्नुपर्ने उल्लेख गरे ।
‘म राष्ट्रिय सभाको सदस्य भए पनि भन्नैपर्छ यसले आफ्नो दायित्व पूरा गरेन, हामी स्थानीय तह र प्रदेशसभाका प्रतिनिधिबाट निर्वाचित भएर आएका हौं,’ उनले भने, ‘त्यस हिसाबले हाम्रो दायित्व स्थानीय तह, प्रदेश र केन्द्रलाई समन्वयन गर्ने हो । त्यो हामीले गरेनौं ।’ प्रदेशसभाको काम कारबाही प्रभावकारी नभएको अवस्थामा प्रधानमन्त्रीको अध्यक्षतामा बस्ने अन्तरप्रदेश समन्वय समितिको बैठक राख्न पहल नगरिएको अधिकारीले उल्लेख गरे । राष्ट्रिय सभासँग पर्याप्त समय भए पनि देशका जल्दाबल्दा विषयमा छलफल हुन नसकेको उनले बताए ।
‘राष्ट्रिय सभासँग पर्याप्त समय भए पनि ठोस काम गर्न सकेनौं । कहिले १० त कहिले १५ मिनेट बैठक बसेर उठ्ने गरेको छ,’ सांसद अधिकारीले भने, ‘सरकारले त बिजनेस दिएन, दिएन, हामी आफैंले पनि बिजनेस पैदा गर्न सकेनौं । बैठकलाई बिजनेस दिने काम हामी सांसदहरूको पनि हो ।’
Comments
अरु समाचार
-
असोज ९ गते न्यायपरिषदको बैठक बस्दै, सर्वोच्चमा चार न्यायाधीश सिफारिस गर्ने तयारी
काठमाडौं। सर्वोच्च अदालतमा रिक्त रहेका चार न्यायाधीश सिफारिस गर्न न्याय परिषदको बैठक २०८१ असोज ९ गते भोली बस्दैछ। प्रधानन्यायाधीश...
-
मुखमा मास्क र कालो टेप लगाएर दुर्गा प्रसाइँ पक्राउविरुद्ध प्रदर्शन
काठमाडौं । बी एन्ड सी मेडिकल कलेजका सञ्चालक दुर्गा प्रसाईंलाई पक्राउ गरिएको विरोधमा दैनिक विरोध प्रदर्शन हुन थालेको छ ।...
-
कोशी प्रदेश सरकारले जनतासँग प्रदेश सरकार कार्यक्रम सञ्चालन गर्ने
काठमाडौं । कोशी प्रदेश सरकारको आज बसेको मन्त्रिपरिषद्को बैठकले ‘जनतासँग कोशी प्रदेश सरकार कार्यक्रम सञ्चालन कार्यविधि, २०८१’ स्वीकृत गर्ने निर्णय...
-
विदेशमा रहेका युवालाई स्वदेशमै अवसर सृजना गर्न प्रधानमन्त्री ओलीको आग्रह
काठमाडौं । प्रधानमन्त्री केपी शर्मा ओलीले विदेशमा रहेका नेपाली युवालाई रोजगारी विकासका लागि स्वदेशमा फर्केर अवसर सृजना गर्न आग्रह गरेका...
-
विपीन जोशीको रिहाइका लागि सहयोग गरिदिन विश्व समुदायसँग परराष्ट्रमन्त्री डा. राणाको आग्रह
काठमाडौं । संयुक्त राष्ट्रसङ्घको महासभामा सहभागी हुन हाल अमेरिकाको न्युयोर्कमा रहेकी परराष्ट्रमन्त्री डा. आरजु राणा देउवाले नेपाली युवा विपीन जोशीको...
-
केही ठाउँमा मेघगर्जन, चट्याङ र हावाहुरीसहित पानी पर्ने
काठमाण्डौ ।अबका केही दिन देशभरको मौसममा फेरबदल आउने र पानी पर्न सक्ने मौसमविद्ले बताएका छन् । केही ठाउँमा मेघगर्जनरचट्याङ र...
-
नेपाल–भूटानबीच जनस्तर र व्यापारिकस्तर सम्बन्ध विकासबारे दुई प्रधानमन्त्रीबीच छलफल
न्युयोर्क (अमेरिका), ७ असोज : नेपाल र भूटानबीच जनस्तर र व्यापारिकस्तरमा सम्बन्ध विकासका लागि दुई प्रधानमन्त्रीबीच छलफल भएको छ ।...
-
प्रधानमन्त्री ओली र कुवेतका राजकुमार एवं प्रधानमन्त्री सबाहबीच भेटवार्ता
न्युयोर्क (अमेरिका), ७ असोजः संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका प्रधानमन्त्री...
-
प्रधानमन्त्री ओली र भारतका प्रधानमन्त्रीबीच न्युयोर्कमा भेटवार्ता
न्युयोर्क (अमेरिका), ७ असोज : संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका...