बालेनविरुद्ध भएकाे नाराबाजीप्रति मधेशी आयोगको ध्यानाकर्षण

Breaking News

काठमाडौं । काठमाडौं महानगरपालिकाका मेयर बालेन शाहविरुद्ध गरिएको नाराबाजप्रति ध्यानाकर्षण भएको मधेशी आयोगले जनाएको छ । मधेशी समुदायमाथि अपमानजनक शब्द प्रयोग गरी सम्पूर्ण मधेशी समुदायलाई अपमानित गर्दै सामाजिक सद्भाव तथा राष्ट्रिय एकता खलल पार्ने काम भएको आयोगको निष्कर्ष छ ।

सामाजिक सन्जालमा प्रसारित भिडियोमा मधेशी समुदायमाथि अपमानजनक शब्द प्रयोग गरेकाे पाइएको भन्दै सामाजिक सद्भाव विथोल्ने नाराबाजीमा संलग्नलाई कारबाही गर्न आयोगले गृह मन्त्रालय र प्रहरीलाई आग्रह गरेको बिहीबार प्रकाशित विज्ञप्तीमार्फत जनाइएको छ ।

तीन तिन दिनअघि थापाथलीस्थित सुकुम्बासी बस्तीमा महानगरको टोली पुगेपछि गृहमन्त्री र मेयर साहविरुद्ध चर्को नाराबाजी गरिएको थियो । मंसिर १४ गते सामाजिक सञ्जालमा धेरै प्रचार भएको एक भिडियोमा मेयर शाहविरुद्ध नाराबाजी भएको देखिएको छ । नेपाल प्रहरीलाई छानबिन गरी कारवाही गर्न पत्राचार गरेको आयोगका अध्यक्ष डा. विजयकुमार दत्तले जनाएका छन् ।