ताजा समाचार

न्याय सम्पादन गर्दा पूर्वाग्रह नराखौं : कामु प्रधानन्यायाधीश कार्की

काठमाडौं । कायममुकायम प्रधानन्यायाधीश हरिकृष्ण कार्कीले जनप्रतिनिधिहरूको भूमिकाबाट न्याय सम्पादन गर्दा पूर्वाग्रह राखेर फैसला गर्नु नहुने बताउनु भएको छ । काठमाडौं महानगरको कार्यक्रममा बिहीबार बोल्दै उहाँले न्यायिक सम्मेलनमा रहेर न्याय सम्पादन गर्दा जनप्रतिनिधि हुँ भन्नेकुरा बिर्सिएर न्याय सम्पादन गर्नुपर्ने बताउनु भयो ।

कायममुकायम प्रधानन्यायाधीश कार्कीले न्याय सम्पादन गर्दा मेरो पार्टी यो हो भन्ने हिसाबबाट गरिए न्याय पूर्वाग्राही हुने जनाउन् भयो । उहाँले पूर्वाग्रह भएको ठाउँमा न्याय हुन नसक्ने पनि दाबी गर्नु भयो ।

न्याय दिनको लागि स्वच्छ र खुला दिमागले निर्णय लिनुपर्छ कार्कीले भन्नुभयो, स्थानीय जनप्रतिनिधिहरूले समाज मिलाएर राख्नका लागि भने आफू जनप्रतिनिधि पनि हुँ भन्ने हिसाबबाट सोच्न जरुरी छ । कामु प्रधानन्यायाधीश कार्कीले मेलमिलाप कायम गरेर अघि बढ्नसके सबैले साथ दिने बताउनु भयो । न्यायिक समितिले फैसला गर्ने कुरामा भन्दा मेलमिलापको कुरामा बढी जोड दिनुपर्ने उहाँको भनाइ छ ।

Comments

अरु समाचार

© NewsNepal 2018 - All Right Reserved.
newsnepal.com 2017.hlon.org