सुहाङ नेम्वाङको संसदीय राजनीतिमा शानदार ‘इन्ट्री’
![](http://newsnepal.com/wp-content/uploads/2024/04/437485021_985349409617427_2387223685800216094_n.jpg)
काठमाडाैँ । इलाम क्षेत्र नम्बर–२ का २७ हजार बढी मतदाताले ३५ वर्षका सुहाङ नेम्वाङलाई शानदर विजयी गराउँदै सिंहदरबार पठाएका छन् ।
वैशाख १५ गते सम्पन्न निर्वाचनको अन्तिम परिणाम सार्वजनिक हुँदा एमाले–माओवादी गठबन्धनका साझा उम्मेदवार सुहाङ ५,८३० मतान्तरले चुनाव जित्न सफल भए ।
संसदीय राजनीतिको ‘डेब्यु’ मा उनले एमालेलाई विजयी गराएर सिंहदरबारमा शानदार ‘इन्ट्री’ गरेका छन् । एमालेका उपाध्यक्ष, संविधान सभाका अध्यक्ष तथा पूर्व सभामुख सुवास नेम्बाङको भदौ २५ गते निधन भएपछि उक्त ठाउँ रिक्त थियो । सुवासका कान्छा छोरा सुहाङलाई एमालेले उपचुनावको उम्मेदवार बनायो । जित्नेगरी एमाले निर्वाचन क्षेत्रका ४२ वटै वडामा खटियो । केन्द्रमा जस्तै माओवादी केन्द्रसँग सहकार्य गर्यो ।
बुवा सुवासचन्द्र नेम्वाङ र आमा विशाल नेम्वाङका कान्छा छोराका रुपमा २०४६ फागुन ६ गते काठमाडौंमा जन्मिएका सुहाङ नेम्वाङ अहिले इलाम–२ बाट प्रतिनिधिसभा सदस्यका रुपमा विजयी भएका छन् । ग्यालेक्सी पब्लिक स्कुल काठमाडौंमा नर्सरी कक्षाबाट अध्ययन शुरु गरेका सुहाङले जगत मन्दिरबाट एसएलसी उत्तीर्ण गरेका हुन् । ज्ञानोदय बालबाटिकाबाट कक्षा १२ सम्मको अध्ययन पुरा गरेर अढाइ वर्षका लागि अष्ट्रेलिया गएका सुहाङ कानून विषय अध्ययनका लागि पुनः नेपाल फर्किए । ‘काठमाडौं स्कूल अफ ल’ मा बीएएलएलबीको पढाइ शुरु गरे । बीएएलएलबीको पढाइ सके लगतै एलएलएम अध्ययन पुरा गरे पनि समय अभावले थेसिस बाँकी छ ।
आफूलाई जति आवश्यक छ त्यति मात्र पढ्न मन पराउने सुहाङको खेलकुदमा लगाव भने निकै राम्रो रहेको छ । स्कूले जीवनमा धेरैजसो होस्टलमै जीवन बिताएका सुहाङले अष्ट्रेलियाबाट फर्किएपछि कलेजमा भएका खेलकुद प्रतियोगिताहरुमा सहभागी भइरहने सुहाङले बुवा सुवासको सल्लाह अनुसार मेची डि स्पोर्टिङ क्लब खोलेको बताउँछन् । खेलकुद बुवाको पनि सपना थियो, सुहाङलाई खेलक्षेत्रको विकासमा म लाग्नु पर्छ भन्ने कुराले सधैं प्रेरित गरेको छ ।
बुवाले कहिले पनि आफूलाई पार्टीको काममा नलगाउने र आफ्नो दबाबमा सरकारी जागीर नखुवाउने आफैं सक्षम बन्नु पर्छ भन्ने गरेकाले आफूले कहिले पनि बुवाको शक्तिमा आफू नलागेको सुहाङ सुनाउँछन् । आफ्नो अहिलेसम्मको जीवनमा बुबासँग बसेर नौं पटकमात्र दशैं–तिहार जस्ता चाडपर्व मनाएको स्मरण गर्दै सुहाङ बुवाले सबै जीवन देशको परिवर्तन र पार्टीका लागि नै दिको स्मरण गर्छन् ।
आफूले वियजी हुँदै गर्दा आफू सँगै चुनावी मैदानमा रहेका सबै उम्मेद्वारले उठाएका सबै मुद्दाहरु इलामको नागरिकका साझा मुद्दा भएको बताए । ‘एक पटक सबै उम्मेद्वारसँग बसेर छलफल गर्न मन छ । उहाँहरुले उठाएका मुद्दालाई कसरी सम्बोधन गर्न सकिन्छ, इलामका समस्या समाधान गर्न कस्तो नीति र योजना बनाउनु पर्छ भन्ने विषयमा काम गर्नुछ’ सुहाङले विजयपछि भने, ‘काम नभएको होइन भएको छ, तर कहाँ कमजोरी भएर ढिलाइ भएको छ, कहाँ पुगेर यहाँका अधुरा योजनाहरु पुरा गर्न सकिन्छ ती कामहरु मैले गर्नुपर्छ ।’
इलाम– २ मा कृषिको आधुनिकीकरण र उत्पादनको बजारीकरणको अर्को समस्या देखिएको उनको बुझाइ छ । शिक्षा, स्वास्थ्य र खानेपानीका समस्यामा पनि काम गर्नुपर्ने छ । यहाँका ४२ वटै वडा घुमेर आउँदा थुप्रै समस्याहरु पाइएको छ, भोट दिने आशीर्वाद दिइरहंदा यहाँका बुबा–आमा, दाजुभाइ, दिदी बहिनीहरुले झारेको आँशुको ऋण तिर्न अब इलामबाट टाढा जान नसक्ने उनी बताउँछन् ।
‘माथिको नीति निर्माणमा मैले खेल्ने भूमिका, यहाँका काम र योजनालाई माथिबाट अनुमोदन गराउने विषयमा काठमाडौं रहेपनि बाँकी समय इलाम र यहाँका नागरिक सँगै हुनेछु’ सुहाङले सुनाए, ‘हामी काठमाडौंमा हुँदा बुबाले जसरी हामीलाई एक परिवार र इलामलाई एक परिवारका रुपमा एउटै मालामा बाध्नुहुन्थ्यो । अहिले मलाई त्यस्तै भएको छ इलाम मेरो आफ्नो परिवार हो भन्ने महशुस भएको छ, इलामका लागि मैले केही गर्नुपर्छ ।’
नेकपा एमाले पार्टीलाई विश्वास गर्नुभयो, मेरो बुबालाई श्रद्धाञ्जली दिनुभयो, मलाई आशिर्वाद दिनुभयो यो निर्वाचनमा सहभागी हुने इलाम– २ बासी सम्पूर्णलाई यहींबाट धन्यवाद दिन चाहन्छु । निर्वाचन सम्पन्न गराउन खटिने कर्मचारी, सुरक्षा निकाय, निर्वाचन आयोग र मेरो पार्टी पंक्तिलाई नमन गर्दछु । हरेक पल–पलमा नागरिकमा सूचना पुर्याउनु खटिनु हुने सञ्चारकर्मी र सम्पूर्ण सञ्चार संस्थाहरुलाई पनि धन्यवाद दिन चाहन्छु । मिहेनत गरे अनुसारको नतिजा आफ्नो पक्षमा पारेर एमालेले सुवास नेम्वाङको विरासत कायम राखेको छ । एमालेले २०५६ देखि निरन्तर जितेको सो क्षेत्रको कमाण्ड अब ३५ वर्षे सुहाङको काँधमा आएको छ ।
Comments
अरु समाचार
-
जाजरकोट-भूकम्प प्रभावितलाई अनुदान रकम उपलब्ध गराउन प्रधानमन्त्रीलाई ज्ञापनपत्र
काठमाडौं । प्रधानमन्त्री केपी शर्मा ओलीसमक्ष रुकुम–पश्चिम र रुकुम–पूर्व जिल्लाका नेपाली कांग्रेस र नेकपा (एमाले) का नेता, सांसदसहित दुवै पार्टीका...
-
वरिष्ठ पत्रकार श्रेष्ठमाथि भएको अभद्र व्यवहार तथा धम्की निन्दनीय र खेदपूर्ण: योगेश भट्टराई
काठमाडौं । आस्था प्रकाशन प्रालिका अध्यक्ष तथा जनआस्था साप्ताहिकका प्रधानसम्पादक किशोर श्रेष्ठलाई ज्यान मार्ने धम्की दिएकोप्रति संघीय सांसद तथा नेकपा...
-
आर्थिक वर्ष २०८१-०८२ को मौद्रिक नीति सार्वजनिक (पूर्णपाठसहित)
काठमाडौं । सरकारले आर्थिक वर्ष २०८१–०८२ को मौद्रिक नीति सार्वजनिक गरेको छ। शुक्रबार राष्ट्र बैंकका गभर्नर महाप्रसाद अधिकारीले मौद्रिक नीति...
-
सङ्क्रमणकालीन न्याय सम्बन्धित गठित संयन्त्रको बैठक सम्पन्न
काठमाडौं। सङ्क्रमणकालीन न्याय सम्बन्धित गठित संयन्त्रको बैठक सकिएको छ । आज बिहान सिंहदरबारस्थित गृह मन्त्रालयमा बसेको संयन्त्रको बैठकमा सङ्क्रमणकालीन न्यायसम्बन्धी...
-
कोशी सरकार छाड्दै माओवादी
काठमाडौं । नेकपा माओवादी केन्द्रले आज कोशी प्रदेश सरकार छाड्ने भएको छ । माओवादीले सरकारबाट बाहिरिँदै समर्थन पनि फिर्ता लिने...
-
ओली सत्तामा हुँदा उच्च काम, प्रमुख पदमा महिलाको ऐतिहासिक नाम
काठमाडौं । लैंगिक समानताको पक्षमा लड्ने नेताका रुपमा वर्तमान प्रधानमन्त्री एवं नेकपा एमालेका अध्यक्ष केपी शर्मा ओलीको ऐतिहासिक गरिमा झनै...
-
रामेछापको गोकुलगंगामा पहिरोमा पुरिएर तीनजनाको ज्यान गयो
काठमाडौं । रामेछापमा बिहीबार साँझ पहिरोमा परेर तीन जनाको ज्यान गएको छ । जिल्लाको गोकुलगंगा गाउँपालिका-६ फर्पुमा बिहीबार साँझ परिहोमा...
-
आजको राशिफल: २०८१ साउन ११ गते शुक्रवार
मेष : व्यवसायमा लगानी बढाउनुपरे पनि उधारोमा व्यापार हुनेछ। फाइदाका लागि केही त्याग्नुपर्ने हुन सक्छ। अवसरवादीहरूबाट सजग रहनुहोला। खर्च लागे...
-
फेरियो शाखा अधिकृत, नासु र खरिदारको पाठ्यक्रम, छनोटका लागि मात्रै प्रथमपत्र
काठमाडौं । लोकसेवा आयोगले लिने प्रारम्भिक चरणको प्रथम पत्र र पाठ्य योजनासम्बन्धी व्यवस्थामा परिवर्तन गरेको छ । शाखा अधिकृत, नायब...