युवा संघमा ढकालको उम्मेदवारी, संयुक्त बैठकमा दुबै पक्ष सहभागी हुने
काठमाडौं, १३ असोज । एमाले निकट युवा संघ नेपालको नयाँ नेतृत्वका लागि उपाध्यक्ष सूर्य ढकालले आफ्नो उम्मेदवारी घोषणा गर्नुभएको छ ।
अध्यक्ष केपी ओली निकट मानिनुहुने ढकालले आज (बुधबार) काठमाडौंमा केही पत्रकारसँगको भेटघाटका क्रममा अध्यक्ष पदमा आफ्नो दाबी गर्नुभएको हो । युवा संघको दुई पटकसम्म कार्यबाहक अध्यक्ष भइ जिम्मेवारी लिइसकेको बताउनुभएका ढकालले भन्नुभयो, ‘उमेर हद, सांगठनिक अनुभव आदिका कारण मैले अध्यक्ष पदको जिम्मेवारी लिन उम्मेदवारी घोषणा गरेको छु ।’
एमाले अध्यक्ष ओली र युवा संघ नेपालका निवर्तमान अध्यक्ष महेश बस्नेतले आफ्नो उम्मेदवारीको विरोध नगरेको बताउनुभएका उपाध्यक्ष ढकालले भन्नुभयो, ‘अध्यक्ष केपी ओली ज्यूले मलाई हाँसेर चिनेको छु भन्नुभएको छ । खुलेर समर्थन गर्नुभएको छैन ।’
यसैबीच, युवा संघ नेपालको केन्द्रीय कमिटीको बैठक असोज १५ र १६ गते राजधानीमा बस्दैछ । सोही बैठकले पाँच महिनाका लागि युवा संघ नेपालको अध्यक्ष चयन गर्नेछ । त्यसपछि सो कमिटीले आगामी फागुनभित्र नवौँ महाधिवेशन गरेर नयाँ नेतृत्व चयन गर्नुपर्नेछ ।
युवा संघ नेपालमा ओली निकट मानिनु हुने निरु पाल र वरिष्ठ नेता माधवकुमार नेपाल निकट मानिनुहुने दिलु पन्तले नेतृत्व गरेको समूहले अलग अलग राजनीतिक गतिविधि गर्दै आएका छन् ।
असोज १५ र १६ गते बस्ने केन्द्रीय कमिटी बैठकमा दुबै समूह सहभागी भएर अध्यक्ष चयन गर्ने सहमति भएको स्रोतहरुको भनाइ छ । बैठकमा दिलु पन्त समूह सहभागी भएन भने स्थगित हुने सम्भावना रहेको पनि स्रोतले जनाएको छ ।
युवा संघ नेपालको १ सय २१ सदस्यीय कमिटीमा नेपाल समूहको नेतृत्व गर्नु भएकी दिलु पन्तले पनि बैठकलाई सहयोग गर्ने संस्थापन पक्षको दाबी छ ।
Comments
अरु समाचार
-
सुदूरपश्चिमका मुख्यमन्त्री सोडारीलाई विश्वासको मत
काठमाडौं । सुदूरपश्चिम प्रदेशका मुख्यमन्त्री दीर्घबहादुर सोडारीले विश्वासको मत प्राप्त गरेका छन् । आज बसेको प्रदेशसभाको दोस्रो बैठकमा मुख्यमन्त्रीले विश्वासका...
-
सुदूरपश्चिम प्रदेशका मुख्यमन्त्री सोडारीले आज विश्वासको मत लिँदै
काठमाडौं । सुदूरपश्चिम प्रदेशका मुख्यमन्त्री दीर्घबहादुर सोडारीले विश्वासको मत लिने भएका छन् । आज बिहान साढे १० बजे बस्ने प्रदेशसभा...
-
पाथीभरा केबलकार निर्माणको विरोधमा दुइ दिन तमोर कोरिडोर बन्द
काठमाडौं । पाथीभरा केबलकार निर्माण विरोध गर्दै आज र भोलि तमोर कोरिडोर बन्द घोषणा भएको छ । विभिन्न ६ संस्थाले...
-
‘प्रधानमन्त्री छोरी आत्मनिर्भरता’ भन्ने सुनेपछि संसदमा हाँसोको फोहरा
काठमाडौ । राष्ट्रपति रामचन्द्र पौडेलले झण्डै २ घण्टा लगाएर सरकारको नीति तथा कार्यक्रम प्रस्तुत गरे । मंगलबार संसदको दुवै सदनमा...
-
कोशीका मुख्यमन्त्री कार्कीले आज विश्वासको मत लिदै
काठमाडौं । कोशी प्रदेशका मुख्यमन्त्री हिक्मतकुमार कार्कीले आज विश्वासको मत लिने भएका छन् । प्रदेश प्रमुख परशुराम खापुङले कोशी प्रदेशसभाको...
-
केही पहाडी उच्च स्थानमा हिमपात र केही ठाउँमा वर्षा
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा स्थानीय र पश्चिमी वायुका साथै भारतको बिहार आसपास...
-
सर्वोच्च अदालतले वर्ल्डलिंकले हालेका सबै रिट खारेज गरिदियो, २ अर्ब कर तिर्नुपर्ने
काठमाडौं । इन्टरनेट सेवाप्रदायक वर्ल्डलिंकले सरकारलाई तिर्नुपर्ने अर्बौं कर छल्न गरेको कानूनी प्रयास असफल भएको छ । वर्ल्डलिंकले हालेका ८...
-
मधेश सरकारबाट एमाले र माओवादी बाहिरिने
काठमाडौं । मधेश सरकारबाट नेकपा एमाले र नेकपा माओवादी केन्द्र बाहिरिने भएका छन् । आइतबार दुवै पाटिले मधेश सरकार छाड्ने...
-
देशका विभिन्न भागमा वर्षा, दिनभरी नै हल्कादेखि मध्यम वर्षा हुने
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु, स्थानीय वायुका साथै भारतको बिहार आसपास...