काभ्रेमा चारहजारभन्दा बढी मतदाता थपिए
बनेपा, २० माघ । जिल्ला निर्वाचन कार्यलय, काभ्रेपलाञ्चोकले डेढ महिनाको अवधिमा थप कुल चारहजार एकसय १८ जनाको फोटो सहितको मतदाता नामावली सङ्कलन गरेको छ । तीमध्ये महिला दुई हजार ९९ र पुरुष दुई हजार १९ रहेका छन् ।
“मतदाताको मताधिकार सुरक्षित गर्न फोटो सहितको मतदाता नामावली सङ्कलन गरेका हौँ”, जिल्ला निर्वाचन कार्यालय, धुलिखेलका प्रमुख मधुकरप्रसाद पोखरेलले भन्नुभयो । उहाँले गत पुस ११ गतदेखि जिल्लाको प्रत्येक गाविस र नगरपालिकामा फोटो सहितको मतदाता नामावली सङ्कलनका लागि घुम्ती शिविर नै सञ्चालन भएको उल्लेख गर्दै यही माघ २७ गतेसम्म घुम्ती शिविर जारी रहने बताउनुभयो । जिल्लामा ७५ गाविस र पाँच नगरपालिका छन् ।
विसं २०७० सालको मतदाता सङ्कलनबाट जिल्लामा कुल दुईलाख आठहजार सातसय २६ मतदाता रहेको जिल्ला निर्वाचन कार्यालय, धुलिखेलले दिएको तथ्याङ्कमा उल्लेख छ । शिविरपछि पनि जिल्ला प्रशासन कार्यालय र जिल्ला निर्वाचन कार्यालयबाट फोटो सहितको मतदाता नामावली सङ्कलन कार्य जारी रहनेछ ।
पोखरेलले बसाइँसराइ, मृत्यु लगायतले देखिएको समस्या हटाउने वा थप्ने विषयमा पनि दाबी तथा विरोधका लागि अभियान सञ्चालन भएको बताउनुभयो ।
यसैबीच, निर्वाचनमा सहभागी हुन काभ्रेपलाञ्चोकमा २५ राजनीतिक दलले आफ्नो विवरण पेस गरेका छन् । जिल्ला निर्वाचन कार्यालय, धुलिखेलले यही १७ गतेसम्मका लागि समयसीमा निर्धारण गरेको थियो । विवरण पेस गर्ने नयाँ दलमा गान्धीवादी पार्टी नेपाल र युनाइटेड ग्रिन अर्गनाइजेसनसमेत रहेका छन् ।
त्यसबाहेक नेपाली काँग्रेस, नेकपा (एमाले), नेकपा (माओवादी केन्द्र), राप्रपा, नेपाल मजदुर किसान पार्टी, चुरेभावर लोकतान्त्रिक पार्टी, राष्ट्रिय मधेस समाजवादी पार्टीलगायत छन् । “दल दर्ता नभए दलहरुले निर्वाचनमा भाग लिन पाउँदैनन्”, जिल्ला निर्वाचन कार्यालय, धुलिखेलका नायब सुब्बा नारायणबहादुर खड्काले भन्नुभयो । रासस
Comments
अरु समाचार
-
विपद्जन्य सूचनाहरू हेलो सरकारको ह्वाट्सएप नम्बरमा जानकारी दिन आग्रह
काठमाडौं । प्रधानमन्त्री तथा मन्त्रिपरिषद्को कार्यालयले कुनै पनि ठाउँमा बाढी, पहिरो र डुबानका कारण समस्या भएमा खबर गर्न सर्वसाधारणमा आग्रह...
-
अपडेट: बाढी, पहिरो र डुबानमा परेर ८७ जनाको मृत्यु, ७२ जना बेपत्ता
काठमाडौं । तीन दिनदेखिको अविरल वर्षापछि आएको बाढी, पहिरो र डुबानमा परेर अहिलेसम्म ८७ जनाको मृत्यु भएको छ । सशस्त्र...
-
पहिरोमा पुरिएका दुई बसबाट १४ जनाको शव निकालियो, अरु पनि पुरिएको आशंका
काठमाडौं । काठमाडौंको नागढुंगादेखि मुनि झ्याप्लेखोलामा पहिरोमा पुरिएको दुईवटा बसबाट १४ जनाको शव निकालिएको छ । शनिबार बिहान पहिरो जाँदा...
-
अपडेट: वर्षा सँगैको बाढीपहिरोका कारण नौ जनाको मृत्यु
काठमाडौं । अविरल वर्षाका कारण देशका विभिन्न स्थानमा विपद्का घटनामा हालसम्म ९ जनाको मृत्यु भएको छ । बाढीपहिरालगायत विपदमा परी...
-
पहिरोमा परी एकै परिवारका ५ जना सम्पर्कविहीन, २ जनाको मृत्यु
काठमाडौं । काभ्रेको पनौतीमा पहिरोमा परी एकै परिवारका ५ जना सम्पर्कविहीन भएका छन् । पनौती नगरपालिका ११, थुम्कीमा शनिबार बिहानै...
-
भारतमा ७ वर्षीय बालकलाई बलि दिइयो,
काठमाडौं । एउटा सार्वजनिक विद्यालयमा सौभाग्य ल्याउने उद्देश्यले गरिएको कथित अनुष्ठान बलिमा एक सात वर्षीय बालकको हत्या गरेको आरोपमा पाँच...
-
पहिरोले भीमफेदी–कुलेखानी–फाखेल हुँदै काठमाडौँ जाने बाटो बन्द
काठमाडौं । मकवानपुरको इन्द्रसरोवर गाउँपालिका–२ कौरास्थित भीमफेदी–कुलेखानी–फाखेल हुँदै काठमाडौँ जाने बाटो बन्द भएको छ । वर्षासँगै आएको पहिरोले शुक्रबार बिहानदेखि...
-
पर्यटकलाई स्वागत गर्दै लुम्बिनीमा मनाइयो पर्यटन दिवस
काठमाडौं । विश्व पर्यटन दिवसका अवसरमा बुद्धजन्मस्थल लुम्बिनीमा आज पर्यटकलाई स्वागत गरिएको छ । लुम्बिनी प्रदेश सरकारका उद्योग, पर्यटन तथा...
-
वर्षाका कारण हवाई उडान प्रभावित
काठमाडौं । बुधवार रातीदेखि परेको वर्षाका कारण हवाई उडान प्रभावित बनेको छ । खराब मौसमका कारण अधिकांश आन्तरिक उडान हुन...