ओली वंशको भेला पनि बालुवाटारमा, प्रधानमन्त्री परिवारको अभिनन्दन हुने ।
काठमाडाैँ २२,भदाै । बालुवाटार प्रधानमन्त्रीको सरकारी निवास हो। सरकार प्रमुखको हैसियतमा प्रधानमन्त्री बालुवाटारमा बस्छन्। तर प्रधानमन्त्रीहरूले यो सुविधालाई सरकारी निवासमात्र सीमित राखेका छैनन् सरकारी सम्पत्तिलाई उनीहरूले आफ्नै पार्टी कार्यालय र निजी सम्पत्तिजस्तो बनाइरहेका छन्। पार्टीका आन्तरिक बैठकदेखि अन्य भेटघाट र भोज पनि त्यहीँ आयोजना गर्छन्।
शनिबार यस्तैखाले एउटा भेला प्रधानमन्त्री निवासमा हुँदैछ। त्यो भेला प्रधानमन्त्री केपी शर्मा ओलीको पार्टीको पनि होइन, उनको वंशको हो।
सामाजिक सञ्जालमा ओली वंशको साधारण सभाबारे सूचना राखिएको छ।
सूचनामा सबैलाई साढे १० बजे प्रधानमन्त्री क्वार्टर बालुवाटारमा डाकिएको छ।
ओली वंश अक्षय कोषले आयोजना गरेको कार्यक्रममा प्रधानमन्त्री केपी शर्मा ओली, उनका बुवा मोहनप्रसाद ओली र श्रीमती राधिका शाक्यलाई अभिनन्दन गर्ने कार्यक्रम छ।
‘प्रधानमन्त्रीले मलाई अभिनन्दन गर्ने भए बालुवाटारमै आउनू भन्नु भएकाले त्यहीँ कार्यक्रम गर्न लागेका हौं,’ कोषका एक जना सदस्यले भने, ‘चार/पाँच सय मान्छे भेला हुन्छन् होला। खाजाको पनि व्यवस्था गरेका छौं।’
उनका अनुसार ओली वंशको साधारण सभाको कार्यक्रम तीन/चार घन्टासम्म चल्नेछ।
प्रधानमन्त्रीका प्रेस सल्लाहकार कुन्दन अर्यालले ओली वंशको भेला बालुवाटारमा हुन लागेको पुष्टि गर्दै यो सामान्य कुरा भएको बताए।
‘भोलि उहाँको पारिवारिक कार्यक्रम हो। प्रधानमन्त्री बसेको ठाउँमा पार्टी कार्यकर्ता, शुभचिन्तक र परिवारका मान्छे आउँछन्। यो कुन ठूलो कुरा भयो र?,’ अर्यालले भने।
पूर्वप्रशासक र नागरिक अगुवाले सरकारी ढुकुटीबाट खर्च हुने भएकाले यस्ता कार्यक्रममा बालुवाटारमा आयोजना गर्नु अनुचित भएको बताउँदै आएका छन्।
गत माघमा तत्कालीन प्रधानमन्त्री शेरबहादुर देउवाले नेपाली कांग्रेसको केन्द्रीय समिति बैठक लगातार बालुवाटारमा राखेपछि पूर्वमुख्यसचिव लीलामणि पौडेल,सचिवहरू शारदा त्रिताल र कृष्ण ज्ञवालीले सार्वजनिक रूपमै त्यो अनुचित भएको बताएका थिए।
प्रधानमन्त्री कार्यालयमा लामो समय काम गरेका एक सचिवका अनुसार, यस्ता कार्यक्रममा हुने खर्च एकमुष्ट बिल प्रधानमन्त्री निवासको बैठक खर्च शीर्षकमा प्रधानमन्त्री कार्यालयमा आउँछ।
त्यतिबेला सेतोपाटीसँग कुरा गर्दै नेकपाका नेताहरू नारायणकाजी श्रेष्ठ र प्रदीप ज्ञवालीले पार्टी र अन्य संस्थाका कार्यक्रम बालुवाटारमा गर्नु राम्रो नभएकाले त्यसलाई रोक्नु पर्ने बताएका थिए।
Comments
अरु समाचार
-
‘प्रधानमन्त्री छोरी आत्मनिर्भरता’ भन्ने सुनेपछि संसदमा हाँसोको फोहरा
काठमाडौ । राष्ट्रपति रामचन्द्र पौडेलले झण्डै २ घण्टा लगाएर सरकारको नीति तथा कार्यक्रम प्रस्तुत गरे । मंगलबार संसदको दुवै सदनमा...
-
केही पहाडी उच्च स्थानमा हिमपात र केही ठाउँमा वर्षा
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा स्थानीय र पश्चिमी वायुका साथै भारतको बिहार आसपास...
-
सर्वोच्च अदालतले वर्ल्डलिंकले हालेका सबै रिट खारेज गरिदियो, २ अर्ब कर तिर्नुपर्ने
काठमाडौं । इन्टरनेट सेवाप्रदायक वर्ल्डलिंकले सरकारलाई तिर्नुपर्ने अर्बौं कर छल्न गरेको कानूनी प्रयास असफल भएको छ । वर्ल्डलिंकले हालेका ८...
-
देशका विभिन्न भागमा वर्षा, दिनभरी नै हल्कादेखि मध्यम वर्षा हुने
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु, स्थानीय वायुका साथै भारतको बिहार आसपास...
-
एक सातासम्म मेघगर्जनसहित पानी पर्ने,चट्याङबाट जोगिन विज्ञको आग्रह
काठमाडौं । अहिले नेपालमा सक्रिय मौसमी प्रणाली आगामी केही दिनसम्म रहने भएकाले यो साताभरि नै देशका विभिन्न भागमा मेघगर्जनसहित पानी...
-
वर्षाका कारण धेरै ठाउँको डढेलो निभ्यो, केही ठाउँकाे भने कायमै
काठमाण्डौ । लामो समयपछि परेको पानीले देशका केही ठाउँमा डढेलो निभाएको छ । हिजो परेको पानीसँगै कोशी, गण्डकी र बाग्मती...
-
सहमतिमा करणी ठहर, तिनै बाबाको निवासमा महिला डेपुटी गभर्नर
काठमाडौं । राष्ट्र बैंककी डेपुटी गभर्नर निलम ढुंगाना तिम्सिना दुई साताअघि ‘एक पन्थ दो काज’ को शैलीमा सुनसरीको चतराधाम पुगिन्...
-
डेढ किलोभन्दा बढी सुन र १ करोड ४३ लाख बरामद, सातजना पक्राउ
काठमाडौं । उपत्यका अपराध अनुसन्धान कार्यालयले डेढ किलोभन्दा बढी सुन र १ करोड ४३ लाख ६० हजार रुपैयाँ बरामद गरेको...
-
मौसमविद् भन्छन्- तत्काल पानी पर्ने सम्भावना छैन
काठमाडौं । तत्काल पानी पर्ने सम्भावना नरहेको मौसमविदले बताएका छन् । मौसमविद रोजन लामिछानेका अनुसार आगो निभाउने र प्रदूषण हटाउने...