उद्यमीसँग तीनै तहका सरकारले हातेमालो गर्नुपर्छः अध्यक्ष ढकाल

अर्थ र बाणिज्य

लमजुङ। आइएमई ग्रुपका अध्यक्ष तथा नेपाल उद्योग वाणिज्य महासंघका उपाध्यक्ष चन्द्रप्रसाद ढकालले तीनै तहका सरकारले उद्यमीसँग साझेदारले जस्तो हातेमालो गर्नुपर्ने बताएका छन् ।

छैंटौ लमजुङ महोत्सवको समापन कार्यक्रममा बोल्दै ढकाललले भने, ‘स्थानीय, प्रदेश र केन्द्रीय तीनै तहको सरकारले उद्यमीसँग साझेदारले जस्तै गरी हातेमालो गर्ने हो भने तिव्र आर्थिक विकासका लागि धेरै समय लाग्दैन् ।’

मलेसियालाई आर्थिक विकासको चरममा पुग्न २०—२२ बर्ष पनि नलागेको उदाहरण दिँर्द ढकालले मलेसियाका प्रधानमन्त्री महाथिर मोहम्मदसँग नेपालमा एक दिन समय विताएको स्मरण गरे ।

भेटमा महाथिरले लगानीलाई सँधै प्रोत्साहन गर्ने गरेको, लगानीकर्तालाई मनोवल र वातावरण दिएकोले आजको यो अवस्थामा पुगेको बताएको ढकालले सुनाए ।

महासंघका उपाध्यक्ष ढकालले तिव्र आर्थिक विकासका लागि विदेशी लगानीकर्तासँगै स्वदेशी लगानीकर्तालाई पनि प्राथमिकता दिनु पर्ने बताए। स्वे

अहिले पनि परियोजना निर्माण तयारीका लागि मात्रै वर्षौं समय लाग्ने गरेको उनले बताए। स्थानीय सरकारले स्थानीय विषयमा, प्रदेश सरकारले प्रदेशका चासोमा र केन्द्रिय सरकारले लगानीकर्ताका समस्यालाई तदारुक्ताका साथ समाधान गरिदिने हो परियोजना निर्माणको समय र लागत कम हुने उनले बताए। ुत्यो लागत र समयलाई सदुपयोग गरेर अर्को परियोजना बनाउन सकिन्छ, उनले भने। ।