ताजा समाचार

निशा डाँगी प्रतिनिधिसभामा सबैभन्दा कम उमेरकी सांसद

राजनीति
- न्यूज नेपाल
       

काठमाडौ‌ । प्रतिनिधिसभामा सबैभन्दा कम उमेरकी सांसदमा निशा डाँगी भएकी छन् । राष्ट्रिय स्वतन्त्र पार्टीकी डाँगी उमेरले २५ वर्षकी मात्रै हुन् । प्रत्यक्षतर्फ भने कम उमेरकी सांसदमा सोबिता गौतम नै भएकी छन् ।

प्रतिनिधिसभा र प्रदेशसभाको निर्वाचनमा उम्मेदवार हुन चाहनेको उमेर कम्तिमा पनि २५ वर्ष पुगेको हुनुपर्ने व्यवस्था छ । डाँगी पनि २५ वर्षको उमेरमा प्रवेश गर्दा समानुपातिकबाट संघीय सांसद हुने अवसर पाएकी हुन् ।

दोस्रो कम उमेर भएकीमा रास्वपाकै २६ वर्षीया विनीता कठायत छिन् । उनी पनि समानुपातिक प्रणालीबाट प्रतिनिधिसभामा निर्वाचित भएकी हुन् । प्रतिनिधिसभामा प्रत्यक्षतर्फबाट काठमाडौं क्षेत्र नम्बर २ मा २७ वर्षकी सोबिता गौतम निर्वाचित भएकी थिइन । उनी पनि रास्वपा पार्टीबाटै निर्वाचित भएकी हुन् ।

Comments

प्रकाशित मिति : 2022-12-15

अरु समाचार

© NewsNepal 2018 - All Right Reserved.
newsnepal.com 2017.hlon.org