ताजा समाचार

त्रिशूलीमा ट्रक खस्दा चालकको मृत्यु, सहचालक घाइते

Breaking News
-
       

काठमाडौं । मुग्लिन–नारायणगढ सडकखण्डको चौधकिलो भन्ने स्थानबाट ट्रक अनियन्त्रित भई त्रिशूलीमा खस्दा चालकको मृत्यु भएको छ ।

नारायणगढबाट मुग्लिङ तर्फ जाँदै गरेको बा प्र०३–००१ ख ४८७४ नम्बरको कोइला बोकेको ट्रक अनियन्त्रित भई आज बिहान त्रिशूली नदीमा खसेको हो ।

दुर्घटनामा परी ट्रक चालक रौतहट घर भएका रामनारायण यादवको मृत्यु भएको र सहचालक रौतहटकै असुन्द्र कुमार यादव घाइते भएको जिल्ला प्रहरी कार्यालयले जनाएको छ ।

दुर्घटनाका कारण ट्रक पूर्णरुपमा क्षतिग्रस्त भएको छ । ट्रकको आधा भाग त्रिशूली नदीमा डुबेको बताइएको छ ।

Comments

प्रकाशित मिति : 2025-03-25

अरु समाचार

© NewsNepal 2018 - All Right Reserved.
newsnepal.com 2017.hlon.org