लक्ष्मी सर सामुदायिक विद्यालय डुबाउने खेलमा !

काठमाडाैं । काठमाडाैंमा जारी शिक्षक आन्दोलन सहमतिभन्दा पनि बखेडातर्फ उन्मुख हुन थालेको प्रष्ट संकेतहरु देखिन थालेका छन् ।

नेपाल शिक्षक महासंघका अध्यक्ष लक्ष्मी किशोर सुवेदीले शिक्षक आन्दोलनलाई चर्काउने र सरकार नै ढाल्ने चेतावनी दिदै आएका छन् ।

कांग्रेसका खाँटी कार्यकर्ता समेत रहेका लक्ष्मी किशोर सामूदायिक विद्यालयका शिक्षक भएपनि उनले आफ्ना दुई छोरालाई भने काठमाडाैंकै प्रतिष्ठित निजी विद्यालयका पढाएको खुलेको छ ।

सर्वसाधारण जनताका छोराछोरीले बैशाख सकिनै लाग्दा पनि विद्यालय जाने वातावरण बन्न नदिएका लक्ष्मी सरले सामुदायिक विद्यालयलाई थप धरासयी बनाउने बाटोमा धकेल्ने प्रयासलाई जोड दिन थालेका छन् ।

‘दिनभर सडकमा कुर्लिने । सरकारले बोलाएको वार्तामा असहज माग पेश गर्ने र सोझासाझा शिक्षकलाई अधिकारको कुरा गरेर उत्तेजित पार्ने काम चलिरहेको छ । सरकारले ऐन ल्याउने मिति नै तोकिसकेको छ । बैशाख २३ गते संसदमा पेश हुने भनेपछि विद्यालय गएर वैशाख २३ कुर्न नसकिने स्थिति थिएन् । तर, सरकार नै ढाल्ने मनशाय बोकेपछि केहि नलाग्ने रहेछ । स्थानीय तहले शिक्षकलाई विद्यालय नफर्किए कारबाहीको चेतावनी दिन थालेपछि विद्यालय खुल्ने अपेक्षा त छ । तर, दलीय आधारमा विद्यालय खोल्न अपिल गर्ने काम भयो । यसले नेपालको सामुदायिक शिक्षालाई ठूलो खतरामा पारिदियो ।’ न्यूज नेपालसंग एक शिक्षकले भने ।

‘सामुदायिक विद्यालयको स्तरोन्नतिको कुनै सरोकार नराख्ने तर मागका नाममा जथाभावी गर्ने लक्ष्मी किशोर सुवेदीको हर्कतमाथि प्रश्न उठ्न थालेको छ । आफैले अध्यापन गराउने विद्यालय र आफ्नो क्षमतामाथि शंका हुँदा उनले आफ्ना सन्तानलाई निजीमा पढाए । अहिले उनैले आन्दोलनको नाममा सर्वसाधारणका छोराछोरीमाथि खेलवाड गरिरहेका छन् । शिक्षकका जायज माग पुरा हुनुपर्छ । यसमा शंका छैन् । शिक्षकलाई सम्मानदेखि मर्यादाक्रममा समेत राखिनुपर्छ । तर, आन्दोलनको नेतृत्व गर्नेहरुको रवैयाले सामूदायिक शिक्षा क्षेत्र ध्वस्त हुने बाटोमा जाने खतरा छ ।’ एक पूर्वशिक्षामन्त्रीको दाबी छ ।

उसोतः सरकारले वार्ता गरिरहेको छ । सकेसम्म मंगलबार वा नभए बुधवारसम्म सहमति गरेर शिक्षकलाई विद्यालय फर्काउने भनिरहेको छ । यद्यपी लक्ष्मी किशोर सुवेदी जस्ता नेतृत्वले कसरी लिन्छन भन्ने विषय नै केन्द्रमा रहेको देखिन्छ ।

Comments