आज ७३ औं कानून दिवस मनाइदै

breaking news

- न्यूज नेपाल

काठमाडाैं । आज देशभर विभिन्न कार्यक्रम आयोजना गरि ७३ औं कानून दिवस मनाइदैछ । न्यायपालिकाप्रति जनविश्वासलाई थप बलियो बनाउन र न्यायमा समान पहुँच विस्तार गर्दै न्यायिक सुशासनको पक्षमा काम गर्न कानून दिवस मनाइदैछ ।

कानून र न्यायको क्षेत्रमा चासो राख्नेहरुका लागि कानून दिवस विशेष हुने गर्छ । विसं २००७ साल प्रजातन्त्र स्थापना भई २००८ मा प्रधान न्यायालय ऐन जारी भएको र २००९ वैशाख २६ गते राजा त्रिभुवनबाट लालमोहर लागेको दिनलाई नेपालले कानून दिवसको रुपमा मनाउदै आएको छ ।

राजा त्रिभुवनबाट लालमोहर लागेको उक्त ऐन २००९ साल पुस ८ गतेको गजेटमा प्रकाशन भई प्रधान न्यायालय गठन भएको र त्यसैको जगमा अहिलेको सर्वोच्च अदालतको स्थापना भएको हो ।

न्यायपालिकालाई पृथक राख्दै स्वतन्त्र, निष्पक्ष र तटस्थ न्यायपालिकाको स्थापना, विधिको शासन र आधुनिक न्याय प्रणालीको श्रीगणेश सोहिदिनदेखि भएको मानिन्छ ।

राष्ट्रपति रामचन्द्र पाैडेलको प्रमुख आथित्य तथा विशिष्ट अतिधि प्रधानमन्त्री केपी ओलीको उपस्थितिमा सर्वोच्च अदालतमा अपराह्न विशेष कार्यक्रम आयोजना गरि यो दिवस मनाइदैछ । उसोतः देशभर कानूनमा चासो राख्नेहरुले विभिन्न कार्यक्रम गरि कानून दिवस मनाउदैछन् ।

Comments

प्रकाशित मिति : 2025-05-09

आज ७३ औं कानून दिवस मनाइदै

Comments

अरु समाचार