नीति तथा कार्यक्रमः कांग्रेस एमालेको ह्वीप

Breaking News

- न्यूज नेपाल

काठमाडाैं । सरकारले आगामी वर्षका लागि ल्याएको नीति तथा कार्यक्रमको पक्षमा मतदान गर्न कांग्रेस एमालेले ह्वीप जारी गरेका छन् ।

राष्ट्रपति रामचन्द्र पौडेलले वैशाख १९ गते संघीय संसद्का दुवै सदनको संयुक्त बैठकलाई सम्बोधन गर्दै सरकारको आगामी वर्षको वार्षिक नीति तथा कार्यक्रम प्रस्तुत गरेका थिए। उक्त नीति तथा कार्यक्रमलाई आज प्रतिनिधिसभाको बैठकमा निर्णयार्थ पेस गर्ने कार्यसूची संसद् सचिवालयले तय गरेको हो।

कांग्रेस एमालेले नीति तथा कार्यक्रमको पक्षमा उभिन अनिवार्य उपस्थितिका साथै ह्वीप जारी गरेका हुन् ।

यो पनिः प्रतिनिधिसभामा आज प्रधानमन्त्री ओलीले जवाफ दिँदै

‘नेपाल सरकारको वार्षिक नीति तथा कार्यक्रमलाई वैशाख २८ गते बस्ने प्रतिनिधिसभाको बैठकमा निर्णयार्थ पेस गर्ने कार्यसूची रहेको छ, नेकपा एमाले संसदीय दलका सम्पूर्ण सदस्यहरूलाई अनिवार्य उपस्थित भई नीति तथा कार्यक्रमको पक्षमा मतदान गर्नु हुन ह्विप जारी गरिएको छ।’, एमाले प्रमुख सचेतक महेश बर्ताैलाले जारी गरेको ह्वीपमा भनिएको छ । उसोतः आजै प्रधानमन्त्री ओलीले जवाफ दिने कार्यक्रम समेत तय भएको छ ।