माओवादीको किचलो पुर्न सत्ता फेरबदलको हावा, देउवा ओली के गर्लान ?

काठमाडाैं । माओवादी केन्द्रले सत्ता उलटफेरका अनेक प्रयासलाई जोडतोडका साथ अघि बढाइरहेको छ ।

मध्यपहाडी लोकमार्ग केन्द्रित माओवादीको अभियानको क्रममा कांग्रेस सभापति शेरबहादुर देउवाको गृहजिल्ला डडेल्धुराबाट प्रचण्डले देउवालाई फोन गरेको विषयलाई उनीहरुले उछाल्ने खोजे । त्यसलगत्तै माओवादी केन्द्रका उपमहासचिव जनार्दन शर्मा देउवाको निवासमा पुगेको भन्दै फोटो सार्वजनिक गरेका हुन् ।

सत्त समिकरण फेर्ने अभ्यासको रुपमा यी दुई घटनालाई माओवादी केन्द्रले प्रचार गर्न खोजेपनि विषयवस्तु भने अर्कै रहेको स्रोतको दाबी छ ।

‘सत्ता समिकरणमा खास समस्या नदेखिएपनि प्रचण्डको देउवालाई सत्ता सुम्पिने रहर र माओवादीमा बढ्दै गएको दुरी मेट्ने जनार्दनको प्रयासलाई सत्ता ढाल्ने अस्त्रको रुपमा प्रचार गर्न खोजिएको देखिन्छ । यसले तात्विक असर पर्दैन भन्ने विश्वास छ ।’ कांग्रेसका एक नेताले भने ।

माओवादीको अभियानसहित अहिले वाइसीएलको प्रदेश सम्मेलनहरु चलिरहेका छन् । यसमा जनार्दन भर्सेस प्रचण्डको लडाई चलिरहेको छ । कर्णालीमा जनार्दन निकट लक्ष्मण ओलीले अध्यक्षमा बाजी मारेपछि लुम्बिनीमा भने जनार्दन निकटका हरिश गिरीले लज्जास्पद हार ब्यहोरेका छन् । भने, प्रचण्ड निकटका कृष्ण सारूमगर निर्वाचित भएका हुन् ।

माओवादीमा वाइसीएलमा देखिएको विवादलाई जनार्दनले प्रचण्डलाई सन्तुलन मिलाउन देउवा निवास पुगेर सत्ता फेरबदलमा आफू लागिरहेको सन्देश दिन खोजेका हुन् । उसोतः माओवादी केन्द्रले पहिलेदेखि नै देउवालाई निशर्त सत्ता सुम्पिन तयार रहेको जिकिर गर्दै आएको छ । तर, देउवाले एमालेसंगको सहकार्य नतोड्ने बताइरहेका छन् ।

‘प्रधानमन्त्री केपी ओलीसमग देउवाको सम्बन्ध अत्यन्तै नजिकको रहेका कारण पनि गठबन्धन भत्किने अवस्था होइन् । आन्तरिक तथा बाह्य शक्तिको चलखेलकाबीच देउवाले दह्रो खुट्टा टेकेकाले पनि सत्ता समिकरण आगामी निर्वाचनसम्म जाने विश्वास हो । देउवाजीले नचाहेसम्म केहि हुनेवाला छैन् ।’, एमालेका एक पदाधिकारीले न्यूज नेपालसंग भने ।

Comments

• देउवा
• देउवा र ओली
• पुष्पकमल दाहाल प्रचण्ड