बालेनका राइट ह्याण्ड राजुनाथ पाण्डे कारबाहीको अन्तिम चरणमा !

काठमाडाैं । काठमाडाैं महानगरपालिकाका मेयर बालेन्द्र साह ‘बालेन’का राइटह्यण्ड राजुनाथ पाण्डेलाई स्पष्टीकरण सोधिएको छ ।

काठमाडाैं महानगरपालिकाका प्रमुख प्रशासकीय अधिकृत सरोज गुरागाईले आफूलाई चैत्र २१ गते कार्यालय प्रवेश गर्दा रोक्ने काम गरेकोदेखि गाडीको ह्वील लक लगाएको लगायतका विषयमा किन कारबाही नगर्ने भन्दै ७ बुँदे स्पष्टीकरण सोधेका हुन् ।

पाण्डे महानगर प्रहरी प्रमुख हुन भने उनले बालेनको माैखिक आदेशमा काम गर्दै आएका थिए ।

महानगर प्रहरी प्रमुख प्रशासकीय अधिकृत मातहत हुने भएपनि बालेनको राइट ह्याण्डको रुपमा सिंघम शैलीमा उत्रिने गरेका राजुनाथ कारबाहीको भागीदार बन्ने सम्भावना बढेको छ ।

उपप्रमुख, प्रमुख प्रशासकीय अधिकृत, वडाध्यक्षहरू र कार्यपालिका सदस्यहरूले पटक–पटक अनुरोध गर्दासमेत प्रमुख प्रशासकीय अधिकृतको कार्यकक्षको ताला खोल्ने काममा समेत राजुनाथले बालेनको माैखिक आदेशमा अवरोध सिर्जना गरेका थिए । त्यसपछि उपमेयर सुनिता डंगोलले लिखित वा कुनै त्यस्तो पत्र छ ? अवरोध गर्नलाई भनेपछि नाजवाफ भएका उनले मेयरको माैखिक आदेशको भरमा कारबाहीमा उत्रिएको जवाफ दिएका थिए ।

काठमाडाैं महानगरपालिका महानगर प्रहरी ऐन २०८० को दफा ५ बमोजिम काम गर्नुपर्नेमा किन ऐन पालना नगरेको भन्दै स्पष्टीकरण सोधिएको हो । स्पष्टीकरण जेठ ५ गत सोधिएको हो भने पत्र बुझेको मितिले ७ दिनभित्र जवाफ पेश गर्न समेत भनिएको छ ।

‘म्यादभित्र स्पष्टीकरण नबुझाएमा वा स्पष्टीकरण चित्त बुझ्दो नभएमा कानून बमोजिम कारवाही हुने ब्यहोरा समेत जानकारी गराउँदछु’, स्पष्टीकरण पत्रमा भनिएको स्रोतको दाबी छ ।

के छन राजुनाथमाथि मुख्य आरोप ?

– प्रमुख प्रशासकीय अधिकृतको सवारी साधनमा ह्वील लक लगाएर काममा अवरोध सिर्जना गरेको ।
– प्रमुख प्रशासकीय अधिकृत काममा आउँदा प्रहरी साङ्ग्लो बनाइ अवरोध सिर्जना गरेको र हुलहुज्जत गरेको ।
– कार्यालयमा उपस्थित जनप्रतिनिधिको समेत बाटो छेकी अमर्यादीत एवं अभद्र व्यवहार गरेको ।
– प्रमुख प्रशासकीय अधिकृतको कार्यकक्षमा ताला लगाएको र उपप्रमुखदेखि अन्यले आग्रह गर्दा पनि अस्वीकार गरेको ।
– हाजिर पुस्तिका कब्जामा लिएको ।
– कर्मचारीले पालना गर्नुपर्ने कानून पालना नगरेको ।
– सञ्चारमाध्यममा अनाधिकृत बयानवाजी गरेको लगायत

सिंघम राजुको बहिर्गमन कति नजिक ?

काठमाडाैं महानगरपालिकामा केहि वडाध्यक्ष र मेयर बालेन्द्रको साथ पाएपछि मैमत्त बनेका राजुनाथ पाण्डेमाथि अन्ततः कारबाही हुने बाटो देखिन थालेको छ । बाले‍नको माैखिक आदेशमा जस्तोसुकै कदम चाल्छु भन्दै आतंक फैलाएका राजुनाथमाथि कारबाही हुने भएपछि बालेन्द्रलाई समेत झड्का लाग्ने देखिन्छ । उसोतः राजुनाथले राष्ट्रिय परिचयपत्र बनाउदा समेत तनाव व्यहोरेका थिए । महानगरमा राष्ट्रिय परिचयपत्र बनाउन जाँदा दुई पत्नीका कारण बन्न नसक्दा एक मधेसी मूलका कर्मचारीलाई तीन महिनासम्म शक्तिको दुरुपयोग गर्दै निलम्बनमा नै राखेका थिए । केहि विभागका प्रमुख र मेयर बालेन्द्रलाई पट्याएका राजुनाथमाथि स्पष्टीकरणपत्र पछि महानगरमा रहेका प्रहरी नै खुशी देखिएको स्रोतको दाबी छ ।

उसोतः राजुनाथले पाएको प्रहरी प्रमुखको जिम्मेवारी नै वैध नभएको बताइन्छ । बालेनले फुली लगाएपनि त्यसले वैधता भने पाइनसकेको महानगर स्रोतको दाबी छ ।

Comments