सर्वोच्चको वरिष्ठतम् न्यायाधीश सपना र विशेष अदालतका अध्यक्ष कुँवर केन्या प्रस्थान

breaking news

- न्यूज नेपाल

काठमाडौं । वन्यजन्तुसम्बन्धिको एक कार्यक्रममा सहभागी हुन सर्वोच्च अदालतको वरिष्ठतम् न्यायाधीश सपना प्रधान मल्ल र विशेष अदालतका अध्यक्ष टेकनारायण कँवर साताव्यापी केन्या भ्रमणका लागि आइतबार त्यसतर्फ प्रस्थान गरेका छन् ।

वन्यजन्तु संरक्षणको क्षेत्रमा भएका विभिन्न कुराको अवलोकन तथा त्यससम्बन्धि आयोजना हुन लागेको कार्यक्रमको छलफलमा सहभागी हुने बताइएको छ।

केन्याको नैरोबिमा हुन लागेको वन्यजन्तु संरक्षणसम्बन्धि छलफलमा केन्याले गरेका कामबारे नेपाललाई जानकारी दिनेछ भने न्यायाधीश सपना र अध्यक्ष कुँवरले नेपालमा वन्यजन्तुसम्बन्धि कानूनी अभ्यासदेखि विविध विषयमा आफ्ना प्रस्तुती दिने बताइएको छ ।

केन्या वन्यजन्तु सफारीका लागि चर्चित मुलुक हो भने अत्यन्तै दुर्लभ सेतो गैडा समेत पाइने गरेको छ। नैरोबी र नाकुरुका निकुञ्जमा विभिन्न प्रजातिका वन्यजन्तुहरु पाइन्छन् । सिंहले ठूला रुखमुनी हिडिरहेको दृश्यदेखि केन्याको इको टुरिजम अत्यन्तै प्रभावकारी मानिन्छ । उसोतः केन्याले वन र वन्यजन्तु संरक्षणलाई आफ्नो अमूल्य सम्पत्तिको रुपमा समेत लिने गर्छ ।