कानूनअनुसार न्याय खोजिएको हो, पाठकको मिडिया प्रेस काउन्सिलमा दर्ता रहेनछ: आरजु

breaking news

- न्यूज नेपाल

काठमाडौं । परराष्ट्रमन्त्री आरजु राणा देउवाले कानून अनुसार न्याय खोज्दा घेरबन्दी भएको आरोप लगाएकी छन् ।

नेपाल रिपब्लिक मिडिया (नागरिक दैनिक) निर्देशक शोभा ज्ञवालीसँग भएको फोन सम्वादलाई तोडमोड गर्दै समाचार प्रकाशन भएकोमा आश्चार्य प्रकट गरेकी छन् ।

`हाम्रो परिवारलाई बदनाम गराउने दुसित मनासय सहित सामाजिक संजालमा आएको एक तथ्यहीन र भ्रामक भिडियो र त्यसको न्यायिक निरुपणमा बारेमा उहाँसँग कुराकानी भएको हो ।

उक्त भ्रामक र तथ्यहीन भिडियो प्रसारण गर्ने संस्था कुनै पनि सरकारी निकायमा दर्ता समेत नभएको थाहा पाएपछि प्रेस काउन्सिल मार्फत प्रक्रिया सुरु गर्न नमिलेर हामीले राज्यको कानुन अनुसार नै न्याय खोजेका हौँ ।´ आरजुले भनेकी छन् ।

जयवीर र कांग्रेस सभापति शेरबहादुर देउवाको परिवारलाई जोडेर होटेल हिल्टनमा जोडेपछि पत्रकार दिलभुषण पाठकविरुद्ध पक्राउ पुर्जी जारी भएको छ । उनी फरार रहेका छन् । यस्तोमा आरजुले पाठकको मिडिया प्रेस काउन्सिलमा समेत दर्ता नभएको पाइएपछि राज्यको निकाय गुहारेको समेत प्रष्टीकरण दिएकी छन् ।

प्रेस स्वतन्त्रताबारे आफू जानकार रहेको भन्दै आरजुले भनेकी छन्, `नेपालमा लोकतन्त्र, नागरिक अधिकार र प्रेस स्वतन्त्रताका लागि सबैभन्दा बढि संघर्ष गरेको नेपाली कांग्रेसको योगदानलाई कसैले बिर्सन मिल्दैन। म सोही पार्टीको एक जिम्मेवार सदस्य भएकाले मलाई प्रेस स्वतन्त्रताका बारेमा राम्ररी थाहा छ ।´

उसोत: आरजुले मिडियाले जिम्मेवारी बोध गर्नुपने र विश्वसनीयता कायम गर्नुपर्नेमा समेत जोड दिएकी छन् ।