ताजा समाचार

इजरायल पुगेका मेयर कोइराला उतै फसेपछि…

Breaking News
- न्यूज नेपाल
       

काठमाडाैं । इजरायलको औपचरिक निमन्त्रणा मान्न त्यहाँ पुगेका विराटनगरका मेयर नागेश कोइराला जारी युद्धका कारण इजरायलमै फसेका छन् ।

इजरायलले मेयरहरुलाई बोलाएर विभिन्न खेति प्रणालीदेखि धेरै विकासका कुरा देखाउन भन्दै निमन्त्रणा दिएपछि इजरायल पुगेका मेयर कोइराला इजरायल र इरानको युद्ध चर्किएपछि उतै फसेका हुन् ।

उनी इजरायलको राजधानी भन्दा ३० किलोमिटर पर सेफाइ भन्ने सहरमा रहेका छन् । इजरायल सरकारको निम्तोमा उनी इजरायल गएको उनको सचिवालयले जनाएको छ । कोइराला जुन २० मा फर्कने कार्यक्रम थियो ।

सरकारी निमन्त्रणामा इजरायल पुगेकाले उनको सुरक्षा इजरायली सरकारको जिम्मेवारी हुने इजरायलस्थित नेपाली राजदूतावासले जनाएको छ । उसोतः अन्य देशका प्रतिनिधिस समेत रहेको र सबै बंकरमा लुक्नुपर्ने स्थिति रहेको बताइएको छ ।

मेयर कोइरालाले आफू सेफाइ भन्ने ठाउँमा सुरक्षित रहेको जानकारी दिएका छन् । कोइरालाले आफू सहितको टोलीमा फिलिपिन्सका दुई सांसदसहित १७ जना जनप्रतिनिधिहरू रहेको बताए ।

Comments

प्रकाशित मिति : 2025-06-16

अरु समाचार

© NewsNepal 2018 - All Right Reserved.
newsnepal.com 2017.hlon.org