बीपी राजमार्गमा पूर्णरुपमा अवरुद्ध

breaking news

- NEWS NEPAL

काठमाडौं । निरन्तरको वर्षाका कारण सोमबार राति आएको बाढी र केही ठाउँमा खसेको पहिरोले बीपी राजमार्ग अवरुद्ध भएको छ ।

जिल्ला प्रहरी कार्यलय मंगलटारका अनुसार बीपी राजमार्ग अन्तर्गत रोशी–९ पिन्थलीबेशी, मंगलटार बिरुवाडाँडामा रहेको फेदीखेला र साङखोला, रोशी ११ कालढुंगा, रोशीकै ११ र १२ को सिमानाको माम्ती खोलामा आएको बाढीले सडक कटान गरेकोले राजमार्ग अवरुद्ध छ ।

यस्तै, काभ्रे र सिन्धुलीको सिमाना बर्खेखोलामा आएको बढीको कारण सडक अवरुद्ध छ भने रोशी कै पिप्लेमा आएको पहिरो, पानीतारेनजिक झरेको पहिरोको कारण सडक अवरुद्ध भएको प्रहरीको भनाई छ ।

अहिले रोशी –९ पिन्थलीको लेदो हटाएर बिरुवाडाँडाको लेदो हटाउँने काम सुरु भएको छ । प्रहरीका अनुसार अहिले सडक दुर्वतर्फ अवरुद्ध छ, भने पहिरो र लेदो हटाउन ३–४ घण्टा लाग्ने बताइएको छ । यसका लागि सडक विभाग र निर्माण कम्पनी एवन निर्माण सेवाको सहयोगमा राजमार्ग खुलाउने पहल भइरहेको प्रहरीको भनाई छ ।

वर्षा लागेयता बीपी राजमार्गमा दिउँसो मात्र सवारी चलाउँन अनुमती दिएको छ । यसले काठमाडौं जोड्ने ठूलो लाइफलाईन मानिएको राजमार्गबाट यात्रा गर्ने यात्रुलाई विभिन्न सास्ती भोग्नु परेको छ ।