टिकट नलिएकाहरु मैदान वरपर गएर भीडभाड नगर्न प्रहरीको आग्रह !

Breaking News

- न्यूज नेपाल

काठमाडौं । किर्तिपुरस्थित त्रिभुवन विश्वविद्यालय खेलमैदानमा आजबाट सुरु हुने नेपाल प्रिमियर लिग (एनपीएल) क्रिकेट प्रतियोगिताका सबै टिकट बिक्री भइसकेकाले टिकट नभएका समर्थकहरुलाई उक्त स्थानमा नजान काठमाडौं जिल्ला प्रहरी परिसरले आग्रह गरेको छ ।

आज मंसिर १ गते सोमबार एक सूचना सार्वजनिक गर्दै प्रहरीले आजको खेलका लागि टिकट पूर्णरूपमा सोल्ड–आउट भएको सूचना प्राप्त भएसँगै प्रहरीले टिकट नभएकालाई खेलमैदान क्षेत्र वरपर भीडभाड नगर्न आग्रह गरेको हो ।

प्रहरीका अनुसार ठूलो संख्यामा दर्शक उपस्थित हुन सक्ने भएकाले मैदान वरपरको क्षेत्रमा अनावश्यक भीड बढेमा सुरक्षा व्यवस्था प्रभावित हुनसक्ने हुँदा सबैलाई जिम्मेवारीपूर्वक सहयोग गर्न अनुरोध गरिएको हो।

यसैबीच, प्रहरी परिसरले खेल आयोजना सहज, सुरक्षित र व्यवस्थित बनाउन आवश्यक सुरक्षा व्यवस्था कडा बनाइएको जानकारी दिएको छ।

उद्घाटन खेल जनकपुर बोल्ट्स र काठमाडौँ गोर्खाजबीच प्रतिस्पर्धा हुदैछ ।