उच्च अदालतका न्यायाधीश राजु खतिवडा बालेन्द्र सरकारका महान्यायाधिवक्ता बन्दै !

breaking news

- न्यूज नेपाल

काठमाडौं । प्रधानमन्त्री बालेन्द्र शाहले उच्च अदालतका न्यायाधीश राजु खतिवडालाई नेपाल सरकारको महान्यायाधिवक्ताको नियुक्ति गर्ने सम्भावना उच्च बनेको छ ।

उच्च अदालतका न्यायाधीश राजु खतिवडा लाई महान्यायाधिवक्तामा नियुक्त गर्ने सम्भावना रहेको स्रोतको दाबी छ ।

तत्कालीन समयमा बालेन्द्र शाहले काठमाडौं महानगरको मेयरमा निर्वाचन जित्दा खतिवडा निर्वाचन प्रमुखको भूमिकामा रहेका थिए। सो समयदेखि विकसित भएको सम्बन्ध अहिले महत्वपूर्ण संवैधानिक पदसम्म पुग्ने देखिएको छ।

यसैबीच, वर्तमान महान्यायाधिवक्ता सविता भण्डारी ले आफ्नो पदबाट राजीनामा दिएकी छन्, जससँगै नयाँ नियुक्तिको प्रक्रिया अघि बढ्ने अनुमान गरिएको छ। सर्वाधिक विवादास्पद निर्णय गर्दै बाहिरिएकी भण्डारीपछि सरकारको प्रमुख कानूनी सल्लाहकार पदमा खतिवडाको सम्भावना बढेको बताइएको छ ।

उसोत: महान्यायधिवक्ताका लागि सुवास आचार्य, कमल इटानी र दीपेन्द्र झाको चर्चा भएपनि झा अमेरिका अध्ययनका लागि जाने तयारीमा रहेको वताइन्छ ।

यस विषयमा आधिकारिक निर्णय भने हुन बाँकी रहेको छ।