आशिका तामाङलाई स्पष्टीकरण सोध्ने रास्वपाको तयारी, कसुर के हो?

breaking news

- न्यूज नेपाल

काठमाडाैं । राष्ट्रिय स्वतन्त्र पार्टीले प्रतिनिधिसभा सदस्य आशिका तामाङलाई स्पष्टीरकण सोध्ने तयारी गरेको छ।

सामाजिक सञ्जालबाट विभिन्न विषयमा पार्टी हितविपरित काम गरेको भन्दै आशिकालाई स्पष्टीरकण सोध्ने तयारी गरिएको स्रोतले जनाएको छ।

आशिकाले पछिल्लो समय सुकुमवासी बस्तीमा पुगेर सरकारको ध्याणाकर्षण गराउने, पार्टीले गर्ने काममा टिप्पणी गर्ने गरेकी छन्।

रास्वपाले ललितपुस्थित एक पाँच तारे होटेलमा आयोजना गरेको प्रशिक्षण कार्यक्रममा प्रश्न गर्दे आशिकाले सामाजिक सञ्जालमा चर्को विरोध गरेकी छन्। जसमा उनले भनेकी छन्, ”संसदहरूलाई प्रशिक्षण कार्यक्रम या अभिमुखीकरण कार्यक्रम गर्न फाइभ स्टार होटल नै या अरु बाहिर कसैसँग हल सापटी लिएर गर्नु पर्ने कुनै बाध्यता पक्कै होइन होला? सिंहदरबारमा त्यस्ता सभाहल कति छन् कति, बाहिर किन आखिर? बाहिर दिनको कति खर्च लाग्छ त्यसको लेखा जोखा कसले गर्ने? कि सांसदहरूलाई सुरक्षाको लागि महँगा हलहरुमा कार्यक्रम गरिएको हो भने के एक दिन मात्र चाहिने हो सुरक्षा? अरु दिन चाहिँ पर्दैन? हामी आफै परिवर्तनको पक्षमा हिडिरहँदा, फजुल खर्च नगर्ने भनेर बोलिरहँदा व्यवहारमा भने उही भने जस्तो भयो भने पुराना र हामी नयाँमा के फरक भयो त?’