३४ किलो सुन काण्डमा भन्सारका दुई अधिकृत घरबाटै पक्राउ

अर्थ र बाणिज्य

काठमाडौं २८ पुस, । प्रहरीको केन्द्रीय अनुसन्धान व्यूरो ‘सीआईबी’ले अवैध सुन तस्करीमा संलग्न रहेको आरोपमा भन्सारका दुई अधिकृतलाई पक्राउ गरेको छ । त्रिभुवन अन्तराष्ट्रिय विमानस्थलका भन्सार अधिकृतहरु श्रीनारायण यादव र राज भन्ने राजकुमार ढकाल पक्राउ परेको प्रहरीले जनाएको छ ।

दुबईबाट ल्याइएको ३४ किलो अवैध सुन त्रिभुवन बिमानस्थलको भन्सारबाट पास भएको थियो । सो सुनसहित तीन जना भरियालाई सीआईबीको टोलीले गत बिहीबार पक्राउ गरेको थियो । सुनको असली मालिकको खोजीलाई तिव्रता दिइरहेको सीआईबीले बिहीबार दुई जना भन्सार अधिकृतहरुलाई उनीहरुकै घरबाट पक्राउ गरेको हो ।

सीआईबी स्रोतका अनुसार अधिकृतद्वय यादव र ढकाल सुन तस्करीको सम्पर्कमा रहेकाले अनुसन्धानका लागि पक्राउ गरिएको हो ।

‘यादव र ढकालको सुन तस्करसँग मिलेमतो देखिन्छ । उनीहरु दुवै भन्सारका अधिकृतहरु हुन् । थप अनुसन्धान गर्दैछौं,’ सीआईबी स्रोतले भन्यो ।

यसअघि भन्सार बिभागले २९ कर्मचारीहरुलाई जिम्मेवारीबाट हटाएर छुट्टै अनुसन्धान सुरु गरेको थियो ।

सुन तस्करीको अनुसन्धानमा खटिएको एसपी मिरा चौधरी सहितको टोली एक सातादेखि निजी सम्पर्क नम्बर समेत बन्द गरेर सुन तस्करमा संलग्नहरुको खोजीमा सक्रिय भैरहेको छ ।

Comments

प्रकाशित मिति : 2017-01-12

३४ किलो सुन काण्डमा भन्सारका दुई अधिकृत घरबाटै पक्राउ

Comments

अरु समाचार