पेट्रोलियम पदार्थको मूल्य बढाउने तयारीमा निगम

अर्थ र बाणिज्य

- बिमला सापकोट / न्युज नेपाल

चैत,२२ काठमाडौं । नेपाल आयल निगम नाफामा गएपनि तेलको मूल्य बढाउने तयारीमा लागेको छ । आयल निगमले पेट्रोलको मूल्य बढाउने गरी आपूर्ति मन्त्रालयमा प्रस्ताव लैजाने गृहकार्य थालेको हो ।

निगम स्रोतका भन्यो वैशाख लागेपछि चुनावको मुखमा तेलको मूल्य बढाउन नसकिने भएकाले अहिले नै मूल्यवृद्धि गर्न लागिएको हो ।भारतीय आयल कर्पोरेशन ‘आईओसी’ ले तीन दिन अघि पठाएको मूल्य सूचीले आयल निगम ३ महिनापछि फेरि नाफामा गएको छ ।

नयाँ मूल्य सूचीअनुसार आयल निगमलाई अहिले पेट्रोलमा लिटरमै ६ रुपैयाँ २५ पैसा नाफा छ । डिजेलमा पनि १ रुपैयाँ ४७ पैसा नाफा छ । मट्टीतेलमा १६ रुपैयाँ ९१ पैसा नाफा हुने निगमलाई आन्तरिकतर्फको हवाइ इन्धनमा ९ रुपैयाँ २५ पैसा र अन्तर्राष्ट्रियतर्फको हवाइ इन्धनमा १६ रुपैयाँ ८७ पैसा नाफा छ ।

ग्यासमा प्रतिसिलिन्डर २५३ रुपैयाँ घाटा बेहोरेको निगमलाई अन्य प्रोडक्टमा भएको नाफाले महिनामा ६ करोड रुपैयाँ नाफा भइरहेको छ । तर, पनि निगमलाई यति नाफाले पुगेको छैन ।

पुसको सुरुवातीमा पनि तेलको मूल्य बढाइएको थियो ।

यो पनि पढ्नुहोस् ।

http://news-nepal.com/%E0%A4%AF%E0%A5%81%E0%A4%B0%E0%A5%8B-%E0%A5%AA-%E0%A4%AE%E0%A4%BE%E0%A4%AA%E0%A4%A6%E0%A4%A3%E0%A5%8D%E0%A4%A1%E0%A4%95%E0%A5%8B-%E0%A4%87%E0%A4%A8%E0%A5%8D%E0%A4%A7%E0%A4%A8/