एनएसीद्वारा वाइडवडी विमान खरीद सम्झौता पत्रमा हस्ताक्षर

अर्थ र बाणिज्य

काठमाडौं २५ चैत । नेपाल वायुसेवा निगमले अमेरिकन लिजिङ कम्पनी ‘एएआर’ कर्पोरेसनसँग शुक्रबार वाइडवडी विमान खरीदको सम्झौता गरेको छ ।

एएआर र पोर्चुगिज एभिएसन कम्पनी हाइफ्लाइ कम्पनीका प्रतिनिधी र निगमका प्रतिनिधीहरुबीच शुक्रबार सम्झौता पत्रमा हस्ताक्षर भएको हो । सम्झौंता भएसँगै अब थप दुर्इ जहाज आउने निश्चत भएको छ ।

निगमले कर्पोरेसनसँग एयरबस ३३०–२०० सिरिजका दुईवटा वाईड वडी जहाज खरीद गर्नेछ । कुनै राजनीतिक र प्रशासनिक अवरोध नभएमा तोकिएको समयमा जहाज आउनेछ। निगमले टेण्डर गर्दा हजार घण्टासम्म उडेको सेकेन्डह्याण्ड जहाजका लागि प्रस्ताव माग गरेको थियो । तर , कर्पोरेसनले ‘ब्राण्ड न्यू’ जहाज दिने टेण्डर हालेको थियो।

नयाँ जहाज भएकोले सीट व्यवस्थापन गर्न पनि सजिलो भएको हो । कर्पोरेसनले एयरबसको फ्याक्ट्रीमै रहेको विमान उपलब्ध गराउने छ। पोर्चुगिज एभिएसन कम्पनी हाइफ्लाइले एयरवससँग खरीद अर्डर गरेपनि कम्पनी ऋणमा रहेको कारण जहाज किन्न नसक्ने भएपछि कर्पोरेसनले सकारेर निगमलाई बेचेको हो ।

यही अवसरको सदुपयोग गर्दै निगमले कुल दुईसय ८० सिट क्षमताका दुइवटा जहाजमा निगम सञ्चालक समितिले प्रतिजहाज १६ वटा विजनेस क्लास सीट राख्ने निर्णय गरेको छ।

१६ वटा विजनेस क्लास सिट राख्नका लागि स्विकृति दिइसकेको र बाँकी दुईसय ६४ वटा सीट इकोनोमिक क्लासका हुने उनले बताए। वाइडबडी विमान ल्याएपछि निगमले काठमाडौंबाट लण्डन, सिंगापुर, सिड्नी लगायत चीनका बिभिन्न गन्तव्यमा सिधा उडान गर्ने लक्ष्य राखेको छ।