अरुण काबेली पावर लिमिटेडको १ करोड ५० लाख कित्ता साधारण सेयर नेप्सेमा सूचीकृत

अर्थ र बाणिज्य

चैत २६, काठमाडौँ । अरुण काबेली हाइड्रोपावर डेभलपमेण्ट कम्पनी लिमिटेडले प्रवद्र्धन गरेको अरुण काबेली पावर लिमिटेडको १ करोड ५० लाख कित्ता साधारण शेयर नेपाल स्टक एक्चेन्जमा आज सूचीकृत गरेको छ ।

सिडिएस एण्ड क्लियरिङ लिमिटेड हुँदै स्टकमा आज सो परिमाणको सेयर साधारण सेयरका रुपमा सूचीकृत भएको कम्पनीमा कार्यकारी अध्यक्ष गुरु न्यौपानेले बताएका छन्

शेयरको प्रारम्भिक मूल्य रु । ९९ देखि रु। २९७ सम्म रहेको छ । कम्पनीको जम्मा २९ लाख १० हजार कित्ता साधारण शेयर आगामी बैशाख तीन गतेबाट खरिद बिक्री गर्न सकिनेछ ।

संस्थापक शेयरधनीहरुको १ करोड ५ लाख कित्ता, आयोजना प्रभावित क्षेत्रका स्थानीयको १५ लाख कित्ता र कम्पनीमा कार्यारत कर्मचारीहरुको ९० हजार कित्ता प्राथमिक सेयर गत पुस ४ गते प्राथमिक शेयर निष्काशनको बाँडफाँडको मितिले ३ वर्षसम्म लक इन हुनेछ र सो अवधि सकिएपछि २०७६ पुस पाँच गते देखि स्वतः फुकुवा हुनेछ ।

यो नेप्सेमा सूचिकृत हुने १२ औं जलविद्युत कम्पनी हो । यस कम्पनीको शेयर रजिष्ट्रार कम्पनी आफैले गर्ने भएको कारण शेयर सम्बन्धि अन्य जानकारी कम्पनीको प्रधान कार्यालय, ट्रेड टावर नेपाल, थापाथली काठमाण्डौमा रहेको शेयर शाखाबाट थाहा पाउन सकिन अध्यक्ष न्यौपानेले जानकारी दिए ।

कम्पनीको शेयर शाखा आइतबार देखि बिहिबार सम्म बिहान १० बजे देखि दिउसो ३ बजे सम्म र शुक्रबार बिहान १० बजे देखि दिउसो १ बजे सम्म खुल्ला रहनेछ ।

प्राथमिक शेयर निष्काशनमा आवेदन गर्दा हितग्राही खातामा उपलब्ध गराउनु भएका शेयरधनीहरुको शेयर सिधै, सम्बन्धित हितग्राही खाता जम्मा हुनेछ यदि गलत हितग्राही खाता प्रदान गर्नु भएका र हितग्राही खाता प्रदान नगर्नु भएका शेयरधनीहरुको शेयर अभौतिकरण गर्नका लागि कम्पनीको वेवसाइटमा उपलब्ध भएको निवेदन सहित नागरिकताको प्रतिलिपी लगाएतका कागजात पेस गर्न कम्पनीले आग्रह गरेको छ ।

कम्पनीको अधिकृत पूँजी जारी पूँजी तथा चुक्ता पूँजी रु १ अर्ब ५० करोड रहेको छ । कम्पनीको चुक्ता पूँजी मध्ये संस्थापक शेयरधनी को ७०५ र सर्वसाधरण शेयरधनीको ३०५ शेयर स्वामित्व रहेको छ । कम्पनीले आयोजना प्रभावित क्षेत्रका स्थानीय बासिन्दाका लागि १५ लाख कित्ता शेयर मिति गत जेठ ३ गतेदेखि जेठ १७ सम्म निष्काशन खुल्ला गरी गत असार २४ गते बाँडफाँड गरेको थियो ।