अपिले रु ३ करोड ४५ लाख खुद नाफा गर्यो

अर्थ र बाणिज्य

चैत २६ , काठमाडौँ । चालु आर्थिक वर्षको पहिलो महिनामा ४ गुणाले वृद्धि गर्दै अपि पावर कम्पनी लिमिटेडले रु ३ करोड ४५ लाख खुद नाफा गरेको छ । क्रमश मुनाफा बढ्दै गइरहेको छ ।

अघिल्लो बर्षको सो अवधिमा कम्पनीले रु २४ लाख ९१ हजार मात्रै नाफा गरेको थियो ।अपिले विजुली बेचेर पहिलो त्रैमासिकमा रु चार करोड ६१ लाख ६१ लाख कमाएको छ । कम्पनीको कुल संचालन खर्च निकै घटेको छ ।

यस बर्ष कम्पनीको संचालन खर्च रु ६४ लाख ९५ हजार भएको छ । अघिल्लो बर्षको यसै अबधिमा संचालन खर्च रु ९२ लाख ६० हजार थियो ।यस्तै कम्पनीको जगेडा कोष बढेर रु ८ करोड ४२ करोड पुगेको छ । अघिल्लो बर्षको सोही अवधिमा जगेडा कोषमा रु एक करोड ११ लाख मात्रै थियो ।

अपिले चालु आर्थिक बर्षको पहिलो तीन महिनामा लगानी बढाएर रु १४ करोड ५६ लाख पु¥याएको छ ।कम्पनीको सेयर पूँजी रु १ अर्ब छ । कम्पनीको प्रति सेयर आम्दानी ६।५८ रुपैयाँ, प्रति सेयर नेट वर्थ १०४।६८ र पिइ रेसियो ९० गुणा रहेको छ ।

कम्पनीले १ कित्ता बराबर २ का दरले हकप्रद जारी गर्न अनुमति माग्दै धितोपत्र बोर्डमा निवेदन दिएको छ । सो निवेदनमाथि चाडै नै बोर्डले निर्णय गर्ने जनाएको छ । अपि पावरले ८।५ मेगावाटको नौगाड जलविद्युत आयोजना पूरा गरेर विद्युत उत्पादन गरिरहेको छ ।

कम्पनीले उक्त आयोजना १७ महिनामै पूरा गरेको थियो । यो आयोजना २०७२ साल भदौ देखि राष्ट्रि«य प्रसारणमा आवद्ध छ । अपि पावरको प्रवर्धनमा माथिल्लो नौगाड साना जलविद्युत आयोजना निर्माण हुँदैछ । सो आयोजनाको क्षमता ८ मेगावाट रहेको छ ।उक्त आयोजनाको ३० प्रतिशत निर्माण कार्य सम्पन्न भएको छ भने सो आयोजनामा आगामी आवदेखि राष्ट्रिय प्रसारण लाइनमा जोडिनेछ ।

Comments

प्रकाशित मिति : 2017-04-08

अपिले रु ३ करोड ४५ लाख खुद नाफा गर्यो

Comments

अरु समाचार