उद्योग बाणिज्य महासंघ प्रदेश नम्बर ७ को अध्यक्षमा शंकरबहादुर बोगटी

अर्थ र बाणिज्य

डडेल्धुरा, १४ जेठ । नेपाल उद्योग बाणिज्य महासंघको प्रदेश उद्योग बाणिज्य महासंघ अन्तर्गत प्रदेश नम्बर ७ को प्रथम साधारण सभाले शंकरबहादुर बोगटीको अध्यक्षतामा नयाँ कार्य समिति चयन गरेको छ । कैलाली उद्योग बाणिज्य संघका वर्तमान अध्यक्ष समेत रहेका बोगटीको अध्यक्षतामा १० सदस्यिय नयाँ कार्य समिति गठन गरिएको हो ।

डडेल्धुरामा शनिबार अबेर राति भएको चुनावमा २ उपाध्यक्ष र एक एशोसियट सदस्य निर्वाचित भएका छन् । अध्यक्ष, कोषाध्यक्ष र जिल्ला तथा नगर ५ जना सदस्यहरु भने निर्विरोध चयन भए । कोषाध्यक्षमा राम कुमार भण्डारी निर्विरोध निर्वाचित भएका छन भने पाँच जना सदस्यहरुमा चेतराज भट्ट, माधव प्रसाद जोशी, सुरेश सिंह थापा, दीपक बहादुर महता र दान बहादुर सुर्मेली निर्विरोध निर्वाचित भएका हुन ।

जिल्ला तथा नगर उपाध्यक्षमा कृष्णप्रसाद पाठक र डम्बरबहादुर भण्डारीले समान ५/५ मत पाएपछि गोला प्रथाबाट पाठक विजयी भएका छन् । त्यस्तै एसोसियट तर्फको उपाध्यक्षमा युवा व्यवसायी हरिशंकर ठाकुर विजयी भएका छन् । उनले अनिल कुमार भोजानियालाई २ मतले पराजित गरे । ठाकुरले २७ र भोजानियाले २५ मत प्राप्त गरेका थिए ।

त्यस्तै एसोसियट तर्फ सदस्यका लागि भएको निर्वाचनमा जनकराज जोशी वियजी भएका छन् । उनले बम बहादुर शाहलाई ३ मत अन्तरले पराजित गरे । जोशीले २८ र शाहले २५ मत प्राप्त गरेका थिए । विजयी पदाधिकारीहरुलाई हिजै पद तथा गोपनियताको सफल ग्रहण गराइएको थियो ।