एक्सिस बैंकसँगको सहकार्यमा सेञ्चुरी बैंकले ल्यायो १६ देशको मुद्रा चल्ने कार्ड

अर्थ र बाणिज्य

काठमाडौं, २९ कात्तिक । सेञ्चुरी कमर्सियल बैंकले १६ देशको मुद्रा चल्ने नयाँ कार्ड प्रयोगमा ल्गाएको छ । बैंकले भारतको एक्सिस बैंकसँगको सहकार्यमा अमेरिकी डलरसँगै १६ देशको मुद्रासमेत चल्ने ‘मल्टिपल करेन्सी कार्ड’ प्रयोगमा ल्याएको हो । बैंकले नगद विदेशी मुद्राको अभाव भइरहेका बेला विश्वका १६ वटा मुद्राको काम एउटै कार्डले गर्ने भएकाले नेपालीलाई बाहिर जान कागजी नोटको समस्या नपर्ने बैंकले पत्रकार सम्मेलनमा जानकारी दिएको छ।

बैंकले एक्सिस बैंकसँगकै सहकार्यमा भारतबाट नेपाल रेमिट्यान्स भित्र्याउने कार्यको औपचारिक शुरुवात गरेको छ। एक्सिस बैंकका ३५ सय शाखाबाट पठाएको पैसा नेपालको सेञ्चुरी बैंकबाट झिक्न सकिन्छ। ुयसबाट बैंकको ग्राहक संख्यामा बृद्धि भइ सर्वसाधारणलाई समेत सहज सेवा उपलब्ध हुने छु बैंकका कामु प्रमुख कार्यकारी अधिकृत जीवन भट्टराईले भने।

बैंकले चाँडै दुई वित्तीय संस्थालाई गाभेर एकिकृत कारोबार सुरु गर्दैछ। बैंकले ४० प्रतिशत हकप्रद शेयर जारि गरिसकेको छ। अब बोनस सेयर जारि गरेर चुक्ता पूँजी ८ अर्ब पुर्याउने बैंकले जनाएको छ।