तारा एयरले यात्रुसँग दोब्बर भाडा असुल्यो

अर्थ र बाणिज्य

- नरजन तामाङ/न्युज-नेपाल

सुर्खेत । नेपालगञ्ज र सुर्खेतबाट मुगुको रारा विमानस्तथल उडान भर्ने निजी हवाई सेवाका एयरलाईन्सले मनपरी भाडा असुल्न थालेपछि सबै भन्दा बढी ग्रामिण क्षेत्रका सेवाग्राही ठगिन थालेका छन् ।

नेपालगञ्जबाट आइतबार रारा विमानस्थलमा उडान भरेको तारा एयरले तीन जना यात्रुबाट दोब्बर भाडा असुलेको छ ।

तारामा यात्रा गर्ने धैनाकोट गाविस १ निबासि भरुनि जैसी उनकी बुहारी पुम्नि जैसी र विद्युत वितरण केन्द्रका कर्मचारीबाट दोब्बर भाडा असुलेको हो ।

नेपालगञ्जदेखि ४ हजार २ सय भाडा दर कायम गरेका तारा एयरले तिनै जनाबाट ८ हजार सात सय असुलेको पीडितले जानकारी दिएका छन् ।

एक महिनादेखि नेपालगञ्जदेखि ८ हजार ७ सय भाडा कायम गरेका निजी एयरलाईन्स गोमा, तारा ,मकालुले ताल्चा विमानस्थलमा सिता एयरले उडान भरेपछि प्रतिस्पर्धामा गरी ४ हजार २ सय भाडा निर्धारण गरेका थिए । तर, एयर लाईन्सले बेला बेला दोब्र भाडा उसुल्ने गरेका छन् ।

दुई छोरा लाई काठमाडौं भेटन गएकि धैनाकोट गाविस —१ कि भरुनी जैसी घर फर्किन छोरा बसेको घरका साहुले दिएको भाडा नपुगेर अरुबाट सापटी मागेको महङ्गो भाडा तिरेर जान नमाने पनि जर्बजस्ति हातमा टिकट राखि ८ हजार ७ सय तिरेर आफुसहित अरु दुईजना ठगिएको बताएकी छन् ।

Comments

प्रकाशित मिति : 2017-02-20

तारा एयरले यात्रुसँग दोब्बर भाडा असुल्यो

Comments

अरु समाचार