विराट एक्स्पोको तयारी पूरा

अर्थ र बाणिज्य

- न्युज–नेपाल संवाददाता

विराटनगर । उद्योग सङ्गठन मोरङको आयोजनामा विराटनगरमा बुधबारदेखि सुरु हुने कृषि तथा औद्योगिक प्रदर्शनी विराट एक्स्पो–२०७३ को तयारी अन्तिम चरणमा पुगेको छ ।

प्रदर्शनीको प्रधानमन्त्री पुष्पकमल दाहालले उद्घाटन गर्ने छन् ।
प्रदर्शनीमा औद्यौगिक उत्पादन, कृषि, जडीबुटी उत्पादन, कृषि औजार, सूचना प्रविधि, वैकल्पिक ऊर्जा, अटोमोबाइल्स तथा पार्टस्, हस्तकलाका सामग्री, विद्युतीय सामग्री, घरायसी सामग्री र खाद्य पदार्थ बिक्रीका लागि २ सय ५४ वटा व्यापारिक कक्ष राखिने छन् ।

त्यसैगरी, एक्स्पोमा रोजगारी मेलाको समेत व्यवस्था गरिएको छ । कुनै उद्योगमा कर्मचारीको आवश्यकता परे एक्स्पोमा सम्पर्क गरी आवश्यक सम्झौता गरेर लग्ने व्यवस्था मिलाइएको छ ।

एक्सपोमा आन्तरिक पर्यटनलाई प्रवद्र्धन गर्ने उद्देश्यले हेलिकोप्टरबाट माउन्टेन फ्लाइटको समेत व्यवस्था गरिएको छ । एक घन्टाको माउन्टेन फ्लाइटबाट सातहजार पाँचसय रुपैयाँमा पूर्वी क्षेत्रका हिमाल– कञ्चनजंघा, मकालु र सर्वोच्च शिखर सगरमाथाको आधार शिविरको अवलोकन गराइने व्यवस्था गरिएको छ ।

एक सातासम्म चल्ने एक्स्पोमा भारतको विहार, पश्चिम बङ्गाल तथा मुलुक भित्रका समेत गरी तीन लाख दर्शकले मेलाको अवलोकन गर्ने र ४० देखि ५० करोड रुपैयाँको कारोबार हुने अनुमान छ ।

Comments

प्रकाशित मिति : 2017-02-21

विराट एक्स्पोको तयारी पूरा

Comments

अरु समाचार