भूकम्पपीडितले यसै वर्ष १ हजार ५ सय ट्याक्सी पाउने

अर्थ र बाणिज्य

- न्युज–नेपाल संवाददाता

काठमाडौं । यातायात व्यवस्था विभागले यसै वर्षभित्र भूकम्पपीडितलाई ट्याक्सी वितरण गर्ने भएको छ । १ लाख ४८ हजार भूकम्पपीडितले ट्याक्सी लिन आवेदन दिएकोमा तीमध्येबाट गोलाप्रथाले १ हजार ५ सय जना छनोट गरिने बिभागका प्रवक्ता डा टोकराज पाण्डेले बताए ।
दोलखा, गोरखा, सिन्धुपाल्चोक, काभ्रेपलाञ्चोक, रसुवा, धादिङ, नुवाकोट, भक्तपुर, काठमाडौं, ललितपुर, मकवानपुर, सिन्धुली, रामेछाप र ओखलढुंगा गरी १४ जिल्लालाई सरकारले भूकम्पबाट अति प्रभावित जिल्ला हुन् ।
सरकारले ३ हजार ३ सय ५० वटा नयाँ ट्याक्सी थप्ने निर्णय गरेको थियो । सर्वसाधारणलाई ७ सय, यातायात व्यवसायीलाई ६ सय ५० र ट्याक्सी चालकलाई १ हजार ५ सय नयाँ ट्याक्सी दिने निर्णय भएको थियो । सर्वसाधारण, यातायात व्यवसायी र ट्याक्सी चालकले गोलाप्रथाबाट ट्याक्सी प्राप्त गरिसकेका छन् ।
उपत्यकामा हाल ७ हजार ट्याक्सी छन् । तीमध्ये ५ हजार ६ सय ५० पुराना र १ हजार ८ सय ५० नयाँ छन् ।