अरुण ३ बन्ने: स्थानीय उत्साहित

अर्थ र बाणिज्य

- न्युज–नेपाल संवाददाता

काठमाडौं । लामो समयको अन्तरालपछि पूर्वकै बिकासको ढोका मानिने अरुण ३ बन्ने पक्का भएको छ । शीलान्यास भएको करिव १ दशकपछि अरुण ३ बन्ने भएको हो । भारत सरकारले ९ सय मेगावाटको यो जलविद्युत आयोजना निर्माणका लागि ९१ अर्ब रुपैयाँ बजेट स्वीकृत गरेपछि निर्माण हुने र नहुनेबीचको अन्यौल हटेको छ ।

संखुवासभाको नुम गाविसको फ्याक्सिन्दामा ड्यामसाइड रहने आयोजनाबाट नेपाल सरकारले करिव २२ प्रतिशत बिद्युत पाउँछ । नेपालमा खपत नभएको बिद्युतमात्र भारतमा लान पाउने सहमतिमा उल्लेख छ ।

भारतीय प्रधानमन्त्री नरेन्द्र मोदीको उपस्थितिमा भारतीय मन्त्रिपरिषदको गत बुधबार बसेको बैठकले आयोजना र लागत स्वीकृत गरेको हो । आगामी सेप्टम्बरसम्ममा फाइनान्सियल क्लोजर सक्ने योजना छ । आयोजना निर्माण अवधि ५ वर्ष छ ।

सतलजले अरुण ३ को निर्माण गर्नेछ । सतलजले अरुण ३ निर्माण गर्न श्रोत जुटाउने कार्यका लागि विद्युत विद्युत विकास कम्पनी ३ वर्षअघि स्थापना गरेको थियो ।
संखुवासभाका पत्रकार छेटु शेर्पाका अनुसार सतलज निर्माण हुने भएपछि रोजगारीदेखि व्यापार र व्यवसाय बढ्ने भन्दै स्थानीय उत्साहित भएका छन् । अरुण ३ मा प्रत्यक्ष र अप्रत्यक्ष गरी करिव १० हजारले रोजगार पाउने छन् भने वर्षेनी ५ अर्ब रुपैयाँबराबर संखुवासभामा आयआर्जन हुने देखिन्छ ।

Comments

प्रकाशित मिति : 2017-02-23

अरुण ३ बन्ने: स्थानीय उत्साहित

Comments

अरु समाचार