ताजा समाचार

सप्तरी घटना प्रभाव : काठमाडौंका पम्पमा फेरि लाग्यो लाइन

अर्थ र बाणिज्य
-
       

काठमाडौं २६ फागुन । तराई–मधेसमा भईरहेको आन्दोलका कारण काठमाडौं उपत्यकामा फेरि तेलको अभाव सुरु भएको छ । धेरै पम्पहरुमा तेल वितरण भएको छैन भने वितरण भइरहेका पम्पमा लामो लाइन देखिएको छ ।

नेपाल आयल निगामले भने उपभोक्तालाई नआत्तिन आग्रह गर्दै तेल आपूर्तिमा कुनै समस्या नआएको बताएको छ । सोमबार सप्तरी भएको घटनापछि तराईका जिल्लामा तनावको वातावरण छ । मधेसी मोर्चाले गरेको बिरोध प्रदशर्नको असर तेल आपूर्तिमा नपरेपनि माग भने ह्वात्तै वृद्धि भएको छ ।

तराईमा आन्दोलन चर्किएपछि तेल अभानव चर्किने आशंकामा धेरै उपभोक्ता आफ्नो सावरीमा ट्यांकभरि तेल भर्न लागेका छन् । निगमले नियमित जस्तै तेल बजारमा पठाइरहेको दावी गरेपनि एक्कासी माग बढ्दा आपूर्ति प्रभावित भएको छ ।

‘तरार्इको तनावले इन्धन आपूर्तिमा अहिले कुनै समस्या छैन । आज पनि एक हजार किलोलिटर पेट्रोल लोड भएर आउँदैछ’ आयल निगमका प्रवक्ता सीताराम पोखरेलले भने ।

 

Comments

प्रकाशित मिति : 2017-03-09

अरु समाचार

© NewsNepal 2018 - All Right Reserved.
newsnepal.com 2017.hlon.org