सरकारले नटेरेपछि स्थानीयले बनाए सडक

अर्थ र बाणिज्य

- नरजन तामाङ/न्युज-नेपाल

अछाम । कालिकास्थान १ कुजेडाका नागरीकहरुले आफ्नै लगानीमा २ किलोमिटर सडकको निर्माण सम्पन्न गरेका छन् । कालिकास्थान २ टोटकेसालदेखि निर्माण सुरु भएको बेलखेत चिल्तडा खुलालु सडक खण्डको करिब २ किलोमिटर सडकको निर्माण कार्य सम्पन्न भएपछि स्थानीय खुसी भएका हुन् ।

सरकारी निकायले विकास निर्माणका कामहरु समयमै गर्छु भनेर आश्वासन दिए पनि विकास निर्माणका कामहरु गर्न अग्रसर नदेखिएको भन्दै त्यस क्षेत्रका नागरीकहरुले अहिले सरकार प्रति निकै आक्रोशित भएका छन् ।

बारम्वार सरकारी निकायसंग पहल गर्दा पनि सरकारी निकायले बेवास्था गरीरहेको कुजेडाका स्थानिय नागरीकहरुले गुनासो गरेका छन् । सडकको पहुँचबाट टाढा रहेका कालिकास्थान १ कुजेडाका नागरीहरु गाउँमा सडक पुगेपछि निकै खुसी भए ।
कालिकास्थान १ कुजेडाका समाजसेवि गोर्कण माझीले गाउँमा सडक पुगेपछि एक ठाउबाट अर्को ठाउँसम्म पुग्न निकै सहज भएको बताए । बषैपिच्छे कर्णालि नदीमा आउने भिषण बाढीले कुजेडाकावासी सास्ती खेप्न बाध्य छन् ।

Comments

प्रकाशित मिति : 2017-03-28

सरकारले नटेरेपछि स्थानीयले बनाए सडक

Comments

अरु समाचार