नेपाल उद्योग वाणिज्य महासंघको महाधिवेसन : शेखर गोल्छा पक्षद्वारा उमेद्वारी दर्ता

अर्थ र बाणिज्य

काठमाडौं । नेपाल उद्योग वाणिज्य महासंघको आसन्न महाधिवेसनमा वरिष्ठ उपाध्यक्षमा शेखर गोल्छा र उनको प्यानले उमेद्वारी दर्ता गराएको छ। महासंघ कार्यालय टेकुमा अन्य तीन उपाध्यक्ष, कोषाध्यक्ष र सदस्यहरुले मनोनयन दर्ता गराएक हुन्।

महासंघको विधानमा वरिष्ठ उपाध्यक्ष अर्को पटक स्वत अध्यक्ष हुने व्यवस्था गरेको छ। अहिले वरिष्ठ उपाध्यक्षमा भवानी राणा छिन्, उनी अधिवेसनपछि स्वत अध्यक्ष हुने छिन्। अर्को पटकका अध्यक्षका लागि वरिष्ठ उपाध्यक्षमा प्रतिस्पर्धा गर्नु पर्छ।

वरिष्ठ उपाध्यक्षका उमेद्वार गोल्छाको प्यानलबाट वस्तुगत उपाध्यक्षमा उमेशलाल श्रेष्ठ, एसोसिएटमा चन्द्र ढकाल र जिल्ला नगर उपाध्यक्षमा दिनेशलाल श्रेष्ठले उमेद्वारी दर्ता गराएका हुन्। कोषाध्यक्षमा ज्ञानेन्द्रलाल प्रधानले उमेद्वारी दर्ता गराएका छन्।

स्वतन्त्रबाट एसोसिएट उपाध्यक्षमा उमेद्वारी दिने बताउँदै आएका सौरव ज्योतिले उमेद्वारी फिर्ता लिएका छन्। उनले ढकाललाई समर्थन गर्दै गोल्छाको प्यानलबाट सदस्यमा उमेद्वारी दिएका छन्। ज्योतिले महासंघलाई एकताबद्ध गर्दै लैजानका लागि उपाध्यक्षबाट उमेद्वारी फिर्ता लिएका हुन्।

अर्को पक्षले भने भोली मात्र उमेद्वारी दर्ता गर्ने भएको छ। किशोर प्रधानले वरिष्ठ उपाध्यक्षमा उमेद्वारी दिने छन्। आइतबार साँझ उमेद्वारी घोषणा गरेपछि भोली दर्ता गर्ने रणनीति प्रधान पक्षको हो।