चौधरी ग्रुपको बनौं आदर्श नागरिक अभियान सुरु, घाइतेलाई अस्पताल लैजाँदा ११ सय दिने

चैत २५, काठमाडौं । चौधरी ग्रुपको सीजी फूड्स नेपाल प्रालिले  राजधानीमा एक कार्यक्रमको आयोजना गरी बनौं आदर्श नागरिक अभियान सुरु गरेको छ ।
आमनागरिकलाई असल व्यवहारप्रति जागरुक बनाउने उद्देश्यले यो अभियान शुरु गरेकोे सिजीले जानकारी दिएको छ । एस अभियानको लक्ष्य हरेक नेपालीलाई आदर्श नागरिक बन्न अभिप्ररित गर्दै एउटा मञ्च खडा गर्नुरहेको बताइएको छ ।
घाइतेलाई तल्काल उपचारका लागि नजिकको अस्पताल पुर्याइ सहयोग गरेमा , त्यस्ता सहयोग गर्ने व्यक्तिलाई वाइवाइले आर्थिक सहयोगस्वरुप १ हजार १ सय रुपैयाँ प्रदान गर्ने सीजीले जानकारी दिएको छ । यसले घाइतेको तत्काल उपचार कार्यमा विनाहिच्किचाहट आम मानिसले खुलेर सहयोग गर्ने अपेक्षा गरिएको छ ।

वाइवाइले टिभी विञापनको सहायताले नेपाली नागरिकलाई त्यस्ता घाइते अवस्थामा परेको सहयोगमा अग्रसर हुन तथा तत्काल अस्पताल पुर्याउने कार्यमा जुटनकालागि अभिप्ररित गर्ने बताइएको छ । सीजीले यस अभियानमा ट्राफिक प्रहरी र सडक सुरक्षा समितिसँग समन्वय गरी अगाडि बढ्न लागेको जनाएको छ ।
ट्राफिक प्रहरीबाट प्राप्त सूचनाको आधारमा दुर्घटनामा परेको उद्धदार कार्यमा जुट्ने नागरिकको पहिचान गरी उनीहरुलाई पुरस्कृत गरिने जानकारी दिइयो । वाइवाइले सँयुक्त राष्ट्र सङको हातधुने कार्यक्रममा समेत आबद्ध भई नेपालमा विक्री गरिने वाइवाइको हरेक प्याकेट तथा कार्टुनमा विगत लामो समयदेखि जनचेतनामूलक सन्देश दिदै आइरहेको छ ।

त्यस्तै वाइवाइ विभिन्न विद्यालयका कार्यक्रममार्फत नेपालमा शिक्षा तथा खेलकुद सम्बद्ध क्रियाकलापको प्रोत्साहन गर्ने उद्देश्यले सक्रियरुपमा लागिपरेका कम्पनीले जानकारी दिएको छ । हाम्रो ज्ञान उदय आयोजना मार्फत वाइवाइले हजारौं बालबालिकालाई छात्रवृति उपलब्ध गराउँदै आइरहेको छ । साथै , वाइवाइ नेपालको १९ वर्षमुनिका महिला तथा पुरुष दुवै राष्ट्रिय क्रिकेट टीमको प्रयोजनसमेत बनेको छ । (आर्थि अभियान राष्ट्रिय दैनिक)

Comments