सिण्डिकेटको मारमा छन् सुनचाँदीका साना व्यवसायी : अध्यक्ष लकान्द्री

अर्थ र बाणिज्य

काठमाडौँ । सिण्डिकेटका कारण सुनचाँदी क्षेत्रका साना व्यवसायीहरू मारमा परेका छन् । ठूला व्यापारीका कारण सिण्डिकेट हट्न नसकेको हो ।

नेपाल राष्ट्रिय सुनचाँदी मञ्चका केन्द्रीय अध्यक्ष गणेश लकान्द्रीले ठूला व्यापारीले साना व्यवसायीलाई निरुत्साहीत र पलायन गराउन लागेको बताए । उनले भने,‘ठूला व्यापारीले साना व्यवसायीलाई निरुत्साहीत र पलायन गराउन लागेका छन् । यसमा साना व्यवसायीले सोच्नुपर्छ ।’

सरकाले कच्चा पदार्थ बढाउन नसक्दा चाडबाडको मुखमा बजारमा सुनचाँदीको चरम अभाव भएको छ । अध्यक्ष गणेश लकान्द्रीले सरकारले कच्चा पदार्थ नबढाएर सुनचाँदीको क्षेत्रलाई धरापमा पार्न खोजेको बताउँदै उनले भने,‘सुनचाँदीको क्षेत्रलाई सरकारले धरापमा पार्न खोजेको छ । यस विषयमा मञ्चको गम्भीर आपत्ती छ ।’

सरकारले एकद्वार प्रणाली मार्फत् नेपाल सुनचाँदी महासंघलाई सुन नदिन आग्रह गर्दे यसलाई सच्याउनुपर्ने अध्यक्ष लकान्द्रीको भनाई छ ।

उनले नेपाल सुनचाँदी महासंघले मात्रै नभई सबै व्यवसायीक संस्थालाई पारदर्शी रूपमा कच्चा पदार्थ पाउनुपर्ने बताए । लकान्द्रीले भने, सुनचान्दीको क्षेत्र ठूलाले मात्र व्यवसाय गर्ने क्षेत्र होइन, सानाले पनि व्यवसाय गर्न पाउनुपर्छ । सरकारले साना व्यवसायीलाई प्रात्साहन गरेर अगाडि बढ्न उनले सुझाव समेत दिए ।

‘सुनचाँदीको क्षेत्रले देशको आर्थिक अवस्थालाई माथि उठाउन ठूलो सहयोग गर्छ । नीतिगत रूपमा पैसा छाप्न पनि सुनै चाहिन्छ अध्यक्ष लकान्द्री भन्छन्,‘सरकारले सुनचाँदीको क्षेत्रलाई व्यवस्थि तगर्न नसक्दा आम व्यवसायी मारमा परेका छन् ।’

फाइल तस्बिर