ओलीले देव गुरुङलाई भने – ‘प्रमुख सचेतकबाट राजीनामा दिनुस्’
काठमाडाैँ । सत्तारूढ दल नेपाल कम्युनिस्ट पार्टी (नेकपा)भित्र आन्तरिक संकट चुलिएको बेला प्रधानमन्त्री तथा संसदीय दलका नेता केपी शर्मा ओलीले प्रमुख सचेतकको पदबाट देव गुरुङको राजीनामा मागेका छन् ।
मङ्सिर २८ गते ओलीले गुरुङलाई बालुवाटार बोलाएर राजीनामा मागेको स्रोतले दाबी गर्यो ।
‘तपाईको भूमिका र नियत मलाई सहयोग गर्ने जस्तो देखिएन, त्यसैले प्रमुख सचेतकबाट राजीनामा दिनुस्,’ ओलीको भनाइ उदृत गर्दै स्रोतले भन्यो ।
स्थायी कमिटी बैठक सकेलगत्तै गुरुङलाई ओलीले बालुवाटार बोलाएका थिए ।
ओलीले राजीनामा मागेपछि गुरुङले पार्टीको निर्णयअनुसार नै आफू प्रमुख सचेतक भएकाले यत्तिकै राजीनामा नदिने बताए अडान लिएका थिए ।
गुरुङले विचार र सिद्धान्तका हिसाबले आफूले पक्षधरता लिएको भएपनि प्रमुख सचेतकका हिसाबले निभाउनुपर्ने कानूनी र संवैधानिक भूमिका आफूले निभाएको भन्दै आफ्नो बचाउ गरेका थिए ।
ओलीले राजीनामा मागेपछि गुरुङले अध्यक्ष पुष्पकमल दाहाल ‘प्रचण्ड’लगायत नेताहरूलाई यसबारे जानकारी गराइसकेका छन् ।
अध्यक्ष प्रचण्ड र वरिष्ठ नेता माधवकुमार नेपाल पक्षमा लागेर आफूलाई असहयोग गर्दै आएको आरोप ओलीले गुरुङमाथि लगाउँदै आएका छन् ।
यसअघि कर्णाली प्रदेशका मुख्यमन्त्री महेन्द्रबहादुर शाहीले संसदीय दलका मुख्य सचेतक गुलाबजंग शाहलाई पदमुक्त गरेको बेला पनि देव गुरुङलाई संसदीय दलको प्रमुख सचेतकबाट हटाउने चर्चा चलेको थियो ।
एमालेसँग पार्टी एकता हुनुअघि गुरुङ तत्कालीन माओवादी संसदीय दलको प्रमुख सचेतक थिए । पार्टी एकीकरणपछि तत्कालीन एमालेले संसदीय दलको नेता र तत्कालीन माओवादीले प्रमुख सचेतक लिएका थिए ।
Comments
अरु समाचार
-
राष्ट्रिय स्वतन्त्र पार्टीको संसदीय दलको बैठक बस्दै
काठमाडाैँ । राष्ट्रिय स्वतन्त्र पार्टीको संसदीय दलको बैठक बस्दै छ । सिंहदरबारस्थित पार्टीको संसदीय दलको कार्यालयमा बस्ने गरी बैठक बोलाइएको...
-
बर्खे अधिवेशनअघि प्रधानमन्त्रीसहित प्रमुख दलका शीर्ष नेतासित सभामुखको छलफल
काठमाडाैँ । सभामुख देवराज घिमिरले प्रधानमन्त्रीसहित प्रमुख दलका शीर्ष नेताहरूलाई छलफलका लागि बोलाएका छन् । उनले आज बिहान साढे ११...
-
देशलाई अस्थिरताबाट जोगाउन, ठूला दलबीच सहकार्य आवश्यक छ : प्रमुख सचेतक लेखक
कांग्रेस संसदीय दलका प्रमुख सचेतक रमेश लेखकले देश राजनीतिक अस्थिरतामा फसेको बताएका छन्। प्रेस युनियन कञ्चनपुर शाखाले सोमबार बिहान महेन्द्रनगरमा...
-
एमाले भोजपुरको अध्यक्षमा खड्का निर्वाचित
काठमाडाैं। नेकपा एमाले भोजपुरको नयाँ नेतृत्वमा मक्कर खड्काको प्यानलै विजयी भएको छ । भर्खरै सम्पन्न मत परिणाम अनुसार निवर्तमान अध्यक्ष...
-
मुख्यमन्त्री सोडारीलाई विश्वासको मतमा हतार नगर्न ओलीको निर्देशन
काठमाडौं । सुदूरपश्चिम प्रदेशमा नेकपा एकीकृत समाजवादी नेतृत्वको सरकारलाई सत्तारुढ दल नेकपा एमालेले तत्काल विश्वासको मत नदिने भएको छ। एमाले...
-
सन्दीप लामिछानेको मुद्दामा आज सुनुवाइ हुँदै
काठमाडौं : क्रिकेटर सन्दीप लामिछानेको मुद्दामा आइतबार सुनुवाइ हुँदैछ। यसअघि वैशाख १० र १६ गत दुई दिन यो मुद्दा ‘हेर्न नभ्याइने’मा...
-
जनताले ‘पपुलिजम’ स्वीकार्य नभएको सन्देश दिए: महासचिव पोखरेल
काठमाडौं । नेकपा (एमाले)का महासचिव शंकर पोखरेलले विचारधाराको जगमा खडा भएका राजनीतिक दलहरूको विकल्प ‘पपुलिजम’का आधारमा खोज्ने प्रयास इलाममा असफल...
-
उपनिर्वाचनको समीक्षा गर्न रास्वपाको सचिवालय बैठक बस्दै
काठमाडौं । राष्ट्रिय स्वतन्त्र पार्टी (रास्वपा) को सचिवालयको बैठक आज बस्दैछ। उपनिर्वाचनको समीक्षा गर्न मुख्य पार्टी कार्यालयमा साढे ४ बजे...
-
आज विश्व प्रेस स्वतन्त्रता दिवस मनाइँदै, पत्रकार महासंघद्वारा काठमाडौंमा प्रभातफेरी
काठमाडौं । आज ३१ औँ विश्व प्रेस स्वतन्त्रता दिवस, ‘विश्वका लागि प्रेसः वातावरणीय सङ्कटको सामनामा पत्रकारिता’ नाराका साथ प्रेस स्वतन्त्रताको...