ताजा समाचार

आईपीएल क्रिकेटमा पन्जाब ९ विकेटले पराजित

खेलकुद
-
       

काठमाडौं । इन्डियन प्रिमियर लिग (आईपीएल) क्रिकेटमा दिल्ली क्यापिटल्सले पन्जाब किङ्सलाई ९ विकेटले हराएको छ ।

मुम्बईमा भएको खेलमा पन्जाबले दिएको १ सय १६ रनको लक्ष्य दिल्लीले १० ओभर ३ बलमा मात्र १ विकेट गुमाएर भेट्टायो । दिल्लीका डेभिड वार्नरले अविजित ६० रनको अर्धशतकीय पारी खेले ।

पन्जाबका राहुल चाहरले १ विकेट लिए । यसअघि पहिले ब्याटिङ गरेको पन्जाबले २० ओभरमा अलआउट हुँदै १ सय १५ रन बनाएको थियो ।

दिल्लीका ललित यादव, खलिल अहमेद, अक्षर पटेल र कुलदिप यादवले २र२ विकेट लिए । जितसँगै दिल्ली ६ खेलमा ६ अंकका साथ अंकतालिकाको छैटौं स्थानमा उक्लिएको छ । पन्जाब ७ खेलमा ६ अंक जोडेर आठौं स्थानमा छ ।

Comments

प्रकाशित मिति : 2022-04-21

अरु समाचार

© NewsNepal 2018 - All Right Reserved.
newsnepal.com 2017.hlon.org