एमालेलाई धुलिसात पार्न खोजियोः विश्वकर्मा
बुटवल । एमालेको लुम्बिनी प्रदेशस्तरीय संगठन व्यवस्थापन तथा परिचालन विषयक दुई दिने कार्यशाला शुक्रबारदेखि बुटवलमा सुरु भएको छ । एमाले लुम्बिनी प्रदेश संगठन कमिटीले आयोजना गरेको कार्यशालामा प्रदेशका १२ वटै जिल्लाबाट पार्टीका केन्द्रीय सदस्य, जिल्ला अध्यक्ष, इन्चार्जलगायतको सहभागिता छ ।
कार्यशालाको उदघाटन गर्दै एमालेका सचिव छविलाल विश्वकर्माले कतिपय शक्ति र मान्छेहरु एमालेलाई धुलिसात पार्ने ढंगले अघि बढे पनि कुनै शक्तिका सामु नड्गमगाएको बताए । “एमालेलाई धुलिसात नपारीकन देशमा अस्थिरता ल्याउन सकिंदैन भन्ने बुझेकाहरूले एमालेलाई सिध्याउने प्रयास गरेका छन्,”उनले भने, “तर एमालेले त्यस्ता षडयन्त्रहरूको सामना गर्दै अगाडि बढिरहेको छ ।”
चुनौतीका बीच पार्टी व्यवस्थित ढंगले यहाँसम्म आएको भन्दै सचिव विश्वकर्माले पार्टीका सबै तहका कमिटीलाई पुनर्व्यवस्थित गर्दै एमाले अगाडि बढेको जानकारी दिए । गत स्थानीय तहको निर्वाचनमा सिट संख्याका आधारमा दोस्रो भए पनि लोकप्रिय मतमा पहिलो भएको उनले दाबी गरे ।
सचिव विश्वकर्माले अब संघीय र प्रदेशसभा निर्वाचनका लागि पार्टीले आन्तरिक रणनीति बनाइरहेको भन्दै पार्टीभित्रका असन्तुष्टि र अन्तरविरोधलाई समाधान गर्दै अघि बढिने जानकारी दिए ।
शनिबारसम्म चल्ने कार्यशाला गोष्ठीमा गत स्थानीय तह निर्वाचनको समीक्षा गर्नुका साथै पार्टीको आगामी रणनीति, आगामी संघीय र प्रदेशसभाको निर्वाचनको तयारी, संगठन व्यवस्थापन र परिचालनलगायतका विषयमा छलफल हुनेछ । दुईदिने कार्यशाला गोष्ठीले लुम्बिनी प्रदेशमा पार्टीको आगामी रणनीति र कार्ययोजना तय गर्ने पनि एमाले लुम्बिनी प्रदेश कमिटी अध्यक्ष राधाकृष्ण कँडेलले जानकारी दिए ।
कार्यशालामा पार्टी सचिव विश्वकर्माका साथै एमाले संगठन विभागका प्रमुख खगराज अधिकारीलगायत केन्द्रीय नेताहरू पनि सहभागी छन् । कार्यशालाको समापन शनिबार एमाले उपाध्यक्ष विष्णु पौडेलले गर्ने एमाले लुम्बिनी प्रदेश कमिटीले जनाएको छ ।
Comments
अरु समाचार
-
काठमाडौँमा आजदेखि ‘ट्राफिक सचेतना विशेष अभियान’ सुरु
काठमाडौं । सभ्य सडक संस्कारका माध्यमबाट सवारी दुर्घटना न्यूनीकरण गर्ने उद्देश्यले काठमाडौं उपत्यका ट्राफिक प्रहरी कार्यालयले आजदेखि ‘ट्राफिक सचेतना विशेष...
-
जात, समुदाय लक्षित सामग्री सामाजिक सञ्जालमा नराख्न प्रहरीको आग्रह
काठमाडौं । सम्प्रदायबीचको सम्बन्धमा असर पार्ने किसिमका सामग्रीहरू सामाजिक सञ्जालमा नराख्न नेपाल प्रहरीको साइबर व्यूरोले अनुरोध गरेको छ । शुक्रबार...
-
डोल्पामा डढेलो निभाउने क्रममा घाइते भएका तीन सैनिकको मृत्यु
काठमाडौं । डोल्पाको ठूलीभेरी नगरपालिका–४ मष्टा सामुदायिक वनमा आगो निभाउने क्रममा घाइते भएका चार जना सैनिकमध्ये तीन जनाको ज्यान गएको...
-
कोशी, गण्डकी, कर्णाली र सुदूरपश्चिम प्रदेशका पहाडी भागमा वर्षा
काठमाडौँ । जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी वायु र स्थानीय वायुको आंशिक प्रभाव रहेको...
-
सशस्त्र प्रहरीको गोदाममा भएको आगलागीको घटना छानबिन गर्न समिति गठन
काठमाडौं । सशस्त्र प्रहरीको बलम्बुस्थित केन्द्रीय गोदामघरमा सोमबार आगलागी भएको छ । सशस्त्र प्रहरी प्रधान कार्यालय र सशस्त्र प्रहरी अस्पतालको...
-
उपत्यकाबाट आठ महिनामा एक हजार ८४७ मोटरसाइकल चोरी
काठमडौं । चालु आर्थिक वर्षको हालसम्म काठमाडौँ उपत्यकाबाट एक हजार आठ सय ४७ वटा मोटरसाइकल चोरी भएको प्रहरीको तथ्याङ्कले देखाएको...
-
खोटाङका एघार ठाउँमा बृहत् स्वास्थ्य शिविर
काठमाडौं । बेलायतस्थित खोटाङ सेवा समाजले स्वास्थ्य सेवामा पहुँच नभएका जिल्लावासीलाई लक्ष्यित गरेर बृहत् स्वास्थ्य शिविर सञ्चालन गरेको छ ।...
-
दिल्ली जान लागेका दुई तिब्बतीमूलका सहित तीन यात्रुको साथबाट हजारौं डलर बरामद
काठमाडौं । काठमाडौंबाट नयाँ दिल्लीतर्फ जान लागेका तीन जना यात्रुको साथबाट प्रहरीले हजारौं अमेरिकी र क्यानडेली डलरका साथै भारतीय रुपैयाँ...
-
दिउँसोदेखि मध्य र पूर्वका धेरै ठाउँमा बदली र वर्षा हुने
काठमाडौं । आज दिउँसोदेखि काठमाण्डौ उपत्यकासहित कोशी, मधेश, बाग्मती र गण्डकी प्रदेशका केही ठाउँमा बादली भएर पानी पर्ने सम्भावना रहेको...