‘उथलपुथल गर्दै लात्तिहान्ने’ उद्घोष गरेका दाहालले नै भेट्ने भए देउवा र ओलीको ‘बाघे झाप्पु’!
काठमाडौं । गत फागुन तेस्रो साता एकाएक बदलीएको सत्ता समिकरण लगत्तै नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहालले ‘उथलपुथल गरिरहने’ अभिव्यक्ति दिएको चार महिनाको समय पार गर्दा नगर्दै देशको राजनीतिमा फेरि अर्को उथलपुथलको स्थिति निर्माण भएको छ।
वर्तमान सत्ता साझेदार दल नेकपा एमालेले प्रधानमन्त्री दाहाललाई चक्मा खुवाउँदै प्रमुख प्रतिपक्षी दल नेपाली कांग्रेससँग मिलेर नयाँ सत्ता समिकरणको प्रक्रिया सुरु गरेसँगै ०७९ पुस ११ मा सत्ताको नेतृत्व लिएर कहिले एमाले त कहिले कांग्रेसलाई कहिले एउटाको हात समाएर अर्कोलाई लात हान्दै आएका दाहाल अन्तत आफैँ उत्तानोटाङ लगाउने स्थितिमा पुगेका छन्।
कुनै समय सत्ता समिकरणको विषयमा कुरा पनि नचल्ने स्थितिमा रहेका कांग्रेस सभापति शेरबहादुर देउवाले एमाले अध्यक्ष केपी शर्मा ओलीसँग सम्वादको प्रक्रियालाई गोप्यरुपमा अघि बढाउँदै असार १५ गते दहि चिउरा खाने बहानामा बालकोट पुगेर सत्ता साझेदारीमा अघि बढ्न तयार रहेको स्पष्ट सन्देश दिए।
सार्वजनिक खपतका लागि मात्र होइन, औपचारिक कार्यक्रममा समेत निकै कम बोल्ने स्वभाव तर, बचनको पक्का देखिँदै आएका देउवाले आफूलाई विगत डेढ वर्षको अवधिमा मात्रै दुई पटक धोका दिएका दाहाललाई बालुवाटारबाट खुमलटार पठाउने योजनामा ओलीलाई सरकारको नेतृत्व दिन तयार भएपछि कांग्रेस र एमालेका केही नेताहरुले सहमति पत्रको गृहकार्यलाई तिब्रता दिए।
सोही आधारमा सोमबार देउवा र ओलीबीच मध्यरातमा उक्त सहमतिलाई औपचारिकता दिएसँगै १८ महिना पहिले देशको प्रधानमन्त्री बन्दै पटक पटक सदनबाट घट्दो संख्यामा विश्वासको मत लिँदै आएका दाहाललाई सत्ताच्यूत गर्ने स्थितिको निर्माण बनेको हो।
यसैबिच एमाले अध्यक्ष ओलीले मंगलबार बिहान बालुवाटार पुगेर प्रधानमन्त्री दाहालसमक्ष एमाले र कांग्रेसबिचको पछिल्लो सहमति बमोजिम नयाँ सरकार गठन गरी अघि बढ्न लागेको जानकारी गराउँदै त्यसका लागि मार्ग प्रसस्त गरिदिन आग्रह गरेका थिए।
तर, त्यसलगत्तै नेकपा माओवादी केन्द्रका अध्यक्ष दाहालले दुई ठूला दलबीचको सहमतिलाई सहजतापूर्वक नलिई संविधान बमोजिम सदनमा विश्वासको मत लिने प्रक्रियामा अडिग रहने सन्देश बाहिर दिएका छन्। यसरी एकाएक बदलिएको राजनीतिक परिदृश्यले स्पष्ट दिशा लिन बढीमा एक महिनाको समय लाग्ने सम्भावना बढेर गएको छ।
Comments
अरु समाचार
-
प्रधानमन्त्री प्रचण्डले असार २८ गते विश्वासको मत लिने
काठमाडौं । प्रधानमन्त्री प्रचण्डले असार २८ गते विश्वासको मत लिने भएका छन् । आज शुक्रबार संसद सचिवालयलाई पत्र पठाएर संसदबाट...
-
शिक्षा क्षेत्रलाई राजनीतिक हस्तक्षेपमुक्त बनाउनु पर्छः शिक्षा मन्त्री श्रेष्ठ
काठमाडौं । शिक्षा, विज्ञान तथा प्रविधिमन्त्री सुमना श्रेष्ठले शिक्षा क्षेत्रलाई राजनीतिक हस्तक्षेपमुक्त बनाउनका लागि सबैको सहयोग आवश्यक रहेको बताएकी छन्...
-
राष्ट्रियसभाबाट आगामी आर्थिक वर्षको बजेट पारित
काठमाडौं। राष्ट्रियसभाबाट आगामी आर्थिक वर्षको बजेट पारित भएको छ । शुक्रवार बसेको राष्ट्रियसभा बैठकमा अर्थमन्त्री वर्षमान पुनले प्रतिनिधिसभाबाट सन्देशसहित प्राप्त...
-
सशस्त्र प्रहरीले माग्यो ४८ इन्स्पेक्टर (विज्ञापनसहित)
काठमाडौं । सशस्त्र प्रहरी बल नेपालले ४८ निरीक्षक (इन्स्पेक्टर) माग गरेको छ । सशस्त्र प्रहरी बल मानव स्रोत विभाग, मानव...
-
एमालेले बागमती प्रदेश सरकारलाई दिएको समर्थन फिर्ता लिदै
काठमाडौं । नेकपा एमालेले बागमती प्रदेश सरकारलाई दिएको समर्थन फिर्ता लिने भएको छ । केन्द्रीय सत्ता समीकरणमा फेरबदल आएसँगै नेकपा...
-
अर्जेन्टिना कोपा अमेरिकाको सेमिफाइनल प्रवेश
काठमाडौं । साबिक विजेता अर्जेन्टिना कोपा अमेरिकाको सेमिफाइनलमा पुगेको छ। एनआरजी स्टेडियममा आज सम्पन्न खेलमा इक्वेडरलाई पेनाल्टी सुटआउटमा ४–२ गोलले...
-
भारतीय सेवा क्षेत्रको निर्यात बढ्दै गएको तथ्याङ्क
काठमाडौं । भारतीय सेवा क्षेत्रको निर्यात बढ्दै गएको पाइएको छ । सन् २००९–१० मा केबल ९५ अर्ब डलर रहेको भारतको...
-
मौसम: कोशी, मधेस र बागमती प्रदेशका थोरै स्थानमा भारी वर्षा
काठमाडौं । आगामी तीन दिन हल्कादेखि भारी वर्षाको सम्भावना रहेको छ । जल तथा मौसम विज्ञान विभागअन्तर्गत मौसम पूर्वानुमान महाशाखाको...
-
आजको राशिफलः २०८१ असार २१ गते शुक्रवार
मेषः परिश्रम परे पनि लक्ष्य प्राप्त हुनेछ। शत्रु परास्त हुनेछन् भने रोगबाट उन्मुक्ति मिल्नेछ। विवाद तथा मुद्दाहरूमा आफ्नो पक्ष बलियो...