चुस्त ब्यवस्थापनले हाथवे फाइनान्स यसरी आयो खुद नाफामा वृद्धि
काठमाडाैँ १४, साउन । तत्कालिन अरुण फाईनान्सको व्यवस्थापन सम्हाल्न नयाँ ब्यबस्थापनका आएको हाथवे समूहले फाइनान्सलार्इ सुधार्न धेरै प्रयास गरेपनि आम जनमानसमा सकारात्मक परिणाम आउन सकेको थिएन।
तर, गत आवको चौथो त्रैमासमा भने फाइनान्सले देखिने गरि प्रगति गरेकाे छ। खराब कर्जा असुलीमा ध्यान केन्द्रित गरेको फाइनान्सले यसबाट नै हाथवे फाइनान्स (HATH) लाई पाँच करोड ६६ लाख रुपैयाँ खुद नाफा निकाल्न सफल भएको छ ।
हाथवे फाईनान्सले सोमबार प्रकाशित गरेको आर्थिक बर्ष २०७४७५ को चौथो त्रैमासिक वित्तीय विवरणमा फाइनान्सले धेरै सूचांकमा छलाङ्ग मारेको छ ।
अघिल्लो बर्ष ७० प्रतिशत रहेको फाइनान्सको खराब कर्जा अनुपात ४.३७ प्रतिशतमा कायम भएको छ । जुन राष्ट्र बैंकले तोकेको मापदण्ड भित्र हो । त्यसैगरि तीन करोड ६३ लाखको निक्षेप संकलन बढाएर ३० करोड ५० लाख रुपैयाँ पुरयाएको छ भने एक करोड ९४ लाखको लगानी बढाएर २८ करोड २९ लाख रुपैयाँ कर्जा प्रवाह गरेको छ ।
यसबाट फाइनान्सले ४ करोड ४१ लाख ब्याज आम्दानी गरेको छ । अघिल्लो बर्ष फाइनान्सले ५३ लाख मात्र ब्याज आम्दानी गरेको थियो । समीक्षा अवधिमा फाइनान्सले ३ करोड ३८ लाख खुद ब्याज आम्दानी गरेको छ ।
फाइनान्सको अन्य सञ्चालन खर्च र कर्मचारी खर्चमा उल्लेख्य बढोत्तरी भएको छ । अघिल्लो बर्ष ५७ लाख रहेको अन्य सञ्चालन खर्च ६ करोड ३३ लाखमा पुगेको छ भने ३६ लाख रहेको कर्मचारी खर्च एक करोड पाँच लाखमा बढोत्तरी भएको छ । समस्याग्रस्त रहँदा भन्दा कर्मचारी र खर्च नभएकाले थोरै रहने र नियमित सञ्चालनमा खर्च बढ्नुलाई स्वभाविक मान्न सकिएपनि यसमा कटौती गर्न भने आवश्यक देखिन्छ ।
एक करोड ८१ लाख सञ्चालन घाटामा रहेको कम्पनीले आठ करोड चार लाख रुपैयाँ भाका नाघेको कर्जा असुली गर्दा फाइनान्सको खुद नाफा २८७ प्रतिशतले बढाएको हो । अघिल्लो बर्षका असार मसान्तसम्म फाइनान्सले जम्मा एक करोड ४६ लाख रुपैयाँ खुद नाफा कमाएको थियो ।
फाइनान्सले १३ करोड ९२ लाख ऋणात्मक रहेको जगेडा कोष पाँच करोडले सुधार गरेर ७ करोड ९२ लाखमा झारेको छ । यद्यपि आगामी बर्ष पनि शेयरधनीले लाभांश बाँड्न भने सम्भव हुने देखिन्न ।
राष्ट्र बैंकबाट २०७३ माघमा समस्याग्रस्त संस्थाबाट फुकुवा भएको अरुण फाईनान्सको बहुमत स्वामित्व हाथवेले किनेपश्चात संस्थाको पुरानो छबी सुधार्नका फाइनान्सको नाम परिवर्तन गरेर आफ्नै ब्राण्डमा सञ्चालनमा ल्याएको थियो ।
Comments
अरु समाचार
-
दश महिनामा करिब एक्काइस अर्ब राजस्व सङ्कलन
काठमाडौं । नवलपरासी (बर्दघाट–सुस्तापूर्व)मा चालु आर्थिक वर्षको १० महिनामा करिब रु २१ अर्ब राजस्व सङ्कलन भएको छ । कोष तथा...
-
नेप्से परिसूचकमा झिनो अङ्कको बृद्धि
काठमाडौं । धितोपत्र बजारमा शेयर कारोबार मापक नेप्से परिसूचक आज झिनो अङ्कले उकालो लागेको छ । नेपाल स्टक एक्सचेञ्जका अनुसार,...
-
वीरगञ्ज सुक्खा बन्दरगाहबाट ४० अर्ब ८३ लाख राजस्व सङ्कलन
काठमाडौं । सुक्खा बन्दरगाह भन्सार कार्यालय वीरगञ्जले चालु आर्थिक वर्षको १० महिनामा रु ४० अर्ब तीन करोड ८३ लाख ३८...
-
‘सरकारमा रहँदा कांग्रेसले टी-स्टेटको जग्गा बेचेर कमिसन खायो, छानबिन हुनुपर्छ’
काठमाडौं । सत्तारुढ प्रमुख घटक नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले तत्कालीन कांग्रेस नेतृत्वको सरकारले गिरीबन्धु टी-स्टेटको...
-
आगामी ५ वर्षमा आर्थिक वृद्धिदर ७.३ प्रतिशत पुर्याउने लक्ष्य
काठमाडौं । आगामी पाँच वर्षमा मुलुकको आर्थिक वृद्धिदर ७.३ प्रतिशत पु¥याउने लक्ष्य राखिएको छ । राष्ट्रिय योजना आयोगले आज यहाँ...
-
सोह्रौँ योजना कार्यान्वयन गर्न अनुमानित लागत रु एक सय ११ खर्ब
काठमाडौं । सोह्रौँ योजना कार्यान्वयनका लागि करिब रु एक सय ११ खर्ब लागत अनुमान गरिएको छ । राष्ट्रिय योजना आयोगले...
-
नेप्से परिसूचक नौ दशमलव ५४ अङ्कले घट्यो
काठमाडौं । नेपाल स्टक एक्सचेञ्ज (नेप्से) परिसूचकमा नौ दशमलव ५४ अङ्कको गिरावट देखिएको छ । आज परिसूचक शून्य दशमलव ४७...
-
प्रतितोला एक हजार रुपैयाँले बढ्यो सुनको मूल्य
काठमाडौं । नेपाली बजारमा बुधबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा १...
-
सामान्य घट्यो सुनको मुल्य
काठमाडौं । आज नेपाली बजारमा सुनको मूल्य घटेको छ। अघिल्लो दिन प्रतितोला ३ सय रुपैयाँले घटेको सुनको मूल्य आज पनि...