विराटनगर जुटमिल विवाद प्रकरण : भ्रम खेति गर्दै नेपाल पक्ष
विरानगर १७, साउन । नेपालको जेठो उद्योग विराटनगर जुटमिल यतिबेला असहमति र गुटबन्दीको पिल्सिएको छ । जुटमिल संचालन गर्ने सरकारले बताइरहदा मिल्स् आन्तरिक विवाद मा रुमल्लिरहेको छ । अहिले विराटनगर जुटमिलमा दुईजना वसन्त वन र मुकुन्द प्रसाद नेपालले आ–आफ्नो समूहको आधिकारिता भएको भन्दै विभिन्न वक्तव्यबाजी गरिरहेका छन्।
विराटनगर जुटमिलका अध्यक्ष वसन्त वनले बुधबार पत्रकार सम्मेलन गर्दै नेपाल समूहले आफ्नो विषयमा विभिन्न प्रोपगाण्डा गरेको भन्दै विरोध गरे। उनले नेपाल समूहले सात जनाको संचालक समिति हुँदाहुँदै दुई जनाको बैठक बसेर आफूलाई हटाएको र मुकुन्द नेपाललाई अध्यक्ष बनाएको प्रपोगाण्डा गरेको दाबी गरे।
‘जुटमिलमा विगतदेखि सिन्डिकेट चलाइरहेकाहरूले विभिन्न अफवाह फैलाएर म र जुटमिलमाथि अत्याचार गरिरहेको छ,’ विज्ञप्तिमा भनिएको छ, ‘अच्युतराज श्रेष्ठबाट खरिद गरि लिएको १५० कित्ता र निलहरि काफ्लेबाट खरिद गरेको २०० कित्ताबाट नेपाल सरकारको ६८ प्रतिशत शेयर कायम गरी बाँकी हुन आएको ७९ कित्ता गरी जम्मा २२९ कित्ता शेयर मेरो नाममा रहेको छ ।’
शेयर धनीको हैसियतमा गत ०७४ वैशाख ४ गतेको विशेष साधारणसभाबाट कायम भएर २०७४ साउन ८ गते आफू अध्यक्ष भएको वनद्वारा जारी विज्ञप्तिमा उल्लेख छ। यता अध्यक्ष आफू भएको दाबी गरिरहेका मुकुन्दप्रसाद नेपालले भने विभिन्न पत्रत्रिकामा सूचना निकालेर वसन्त वन जुटमिलको कुनै पनि पदमा नरहेको कारण जुटमिलको नाममा कुनै पनि कारोबार नगर्न सबैलाई आग्रह गरेका छन्।
‘मिति २०७५ वैशाख २० गतेसम्म यस लिमिटेडका अध्यक्ष रहेका जि. सोलुखुम्बु जुबु–५, स्थायी ठेगाना भई काठमाडौं बस्ने वसन्त वन हालसम्म पनि विभिन्न निकाय तथा व्यक्तिहरूसँग आफू विराटनगर जुट मिल्स लिमिटेडको अध्यक्ष भएको भन्दै विभिन्न व्यवहार गर्दै आउनु भएको सुनिन आएको छ,’ सूचनामा उल्लेख छ, ‘निज वसन्त वन हाल यस विराटनगर जुट मिल्स लिमिटेडको कुनै पनि पदमा नरहनु भएको जानकारी गराउँदै निजसँग विराटनगर जुट मिल्स लिमिटेडको लागि कुनै पनि कारोबार नगर्नुहुन यो सूचना प्रकाशित गरिएको छ ।’
वन २०७५ वैशाख २० गते पछाडि कुनै पनि पदमा नरहेको सूचनामा जिकिर गरिएको छ। उक्त सूचनाको विषयमा प्रतिक्रिया दिन आयोजित पत्रकार सम्मेलनमा वनले जुटमिल बिक्री गर्न चाहनेहरूले विभिन्न प्रपोगाण्डा गरेको बताए। ‘हाल विराटनगर जुटमिल्समा ७ सदस्यीय समितिमा अध्यक्ष वसन्त वन, संचालक समिति सदस्यहरु मुकुन्दप्रसाद नेपाल, फूलकुमार लालवानी, डा. इन्दीरा पराजुली र देवचन्द्र चौधरी गरी पाँचजना कायम रहेको अवस्थामा नेपाल र लालवानीले बैठक बसेर अध्यक्ष चयन गरिएको हवला दिइएको छ,’ वनद्वारा जारी विज्ञप्तिमा भनिएको छ, ‘जम्मा सात सदस्यीय संचालक समितिमा दुर्इजनाले गरेको निर्णय कसरी वैधानिक हुन्छ? त्यही निर्णयको आधारमा विभिन्न सूचना र वक्तव्यबाजी गर्नु षड्यन्त्रको पराकाष्ठ हो।’
अहिले अध्यक्ष भएका भनिएका नेपाल कहिले कसरी र कुन प्रक्रियाबाट त्यो जिम्मेवारी पाउनु भएको हो भन्ने कुराको कुनै वैधानिक आधार नभएको वनको दाबी छ। अध्यक्ष वनले आफू आधिकारिक रूपमा शेयर सदस्य रहेको र तत्कालीन प्रबन्धक संचालक निलहरि काफ्ले २०७५ वैशाख १३ गतेको निर्णयबाट हटिसकेको पनि दावी गरे। विराटगर जुटमिलमा भएको अनियमितताको विषयमा सरकारले न्यायिक समिति निर्माण गरेर छानविन गर्ने तयारी गरेको भन्दै उनले आफूले सक्दो सहयोग गर्ने पनि बताए। विराटनगर जुटमिलमा यसअघि भएको शेयर विवाद हल गर्दै सरकारको ६८ प्रतिशत शेयर कायम गरिएको, जुटमिल्सका सामान मर्मत, विद्युत् जडान र अन्य काम पनि अन्तिम चरणमा पुगेको कारण छिट्टै मिल संचालन हुने पनि वनले दावी गरे।
Comments
अरु समाचार
-
नाम चलेका विराटनगरका सामुदायिक विद्यालयको नतिजा एसईईमा कमजाेर
विराटनगर।अंग्रेजी माध्यमबाट अध्यापन हुने विराटनगरका नाम चलेका सामुदायिक विद्यालयमध्ये विराटनगरका पोखरीया माध्यमिक, आदर्श मावि र सत्यनारायण माविले यसवर्ष शतप्रतिशत नतिजा...
-
वर्षाका कारण विराटनगरका अधिकांश भाग डुबानमा, विमानस्थल पनि बन्द
काठमाडौं । अविरल वर्षाका कारण विराटनगरका अधिकांश भाग डुबानमा परेका छन्। विराटनगर महानगरपालिका वडा नं १,२,३,४,५,६,११,१२ ,१४ र १९ डुबानका...
-
देशका विभिन्न ठाउँमा मेघगर्जन र चट्याङसहित वर्षा
काठमाडौं– जल तथा मौसम विज्ञान विभाग मौसम पूर्वानुमान महाशाखाले हाल कोशी, मधेश, बागमती र गण्डकी प्रदेशका अधिकांश भूभाग तथा लुम्बिनी...
-
मध्य तथा पश्चिम तराईमा तातो लहरको चेतावनी
काठमाडौं । जल तथा मौसम विज्ञान विभागले आगामी तीन दिन (जेठ ३२ देखि असार २ गतेसम्म) मध्य तथा पश्चिम तराईमा...
-
सङ्खुवासभामा पहिरोले तीन घर बगायो
काठमाडौं । सङ्खुवासभाको खाँदबारी नगरपालिका–११ आङ्लास्थित कोक्तिमा गाउँमा पहिरोले तीन घर बगाएको छ । गए राति अबिरल वर्षासँगै गएको पहिरोले...
-
झापा बाढीको उच्च जोखिममा
काठमाडौं । जिल्लाका अधिकांश पालिकाहरू बाढीको उच्च जोखिममा रहेकाले विपद् व्यवस्थापनको तयारी तीव्रगतिमा भइरहेकोे जिल्ला विपद् व्यवस्थापन समिति झापाले जनाएको...
-
आजदेखि सातवटै प्रदेशमा ‘श्रमाधान रोजगार मेला’
काठमाडौं । सरकारले आजदेखि सातवटै प्रदेशमा ‘श्रमाधान रोजगार मेला’ आयोजना गर्दैछ । सबै प्रदेशमा रोजगारदाता र श्रमिकहरूलाई एक ठाउँमा ल्याएर...
-
कोशी, कर्णाली, सुदूरपश्चिम र गण्डकी प्रदेशमा चट्याङसहित हल्का वर्षा
काठमाडौँ । नेपालमा हाल स्थानीय र पश्चिमी वायुका साथै विहार आसपासको क्षेत्रमा रहेको न्यूनचापीय प्रणालीको आंशिक प्रभाव रहेको मौसम पूर्वानुमान...
-
नेपाल-चीन किमाथांका नाका जेठ १२ गतेदेखि खुल्दै
सङ्खुवासभा । उत्तरी क्षेत्र चीनसँग जोडिएको सङ्खुवासभाको किमाथांका नाका खुल्ने भएको छ। कोरोना अवधिमा २०७६ माघ ५ देखि किमाथाङ्का नाका...