विप्लवमाथिको प्रतिबन्ध समर्थन गर्दै गगनले दिए बादललाई यस्तो दनक !

बागमती प्रदेश

- न्युज-नेपाल

काठमाडाैं । नेपाली कांग्रेसका नेता गगन थापाले विप्लवलाई सरकारले लगाएको प्रतिबन्धलाई समर्थन गर्दै गृहमन्त्री रामबहादुर थापालाई समेत प्रहार गरेका छन् ।

गगनले एक ट्विट गर्दै लेखेका छन, व्यक्तिहत्यामा आधारित राजनीति क्रान्तिकारीता नभई कायरता हो । उनले यति मै नरोकिएर गृहमन्त्री बादललाई समेत दश वर्षे जनयुद्धको क्रममा गरेको काम कायरतापूर्ण कृत्य भएको कुरा थाहा भयो कि नाई भन्दै प्रश्न समेत गरेका छन् ।

विप्लवलाई वार्ताको ढोका बन्द नगरेर आतंकका विरुद्ध सरकारले गर्ने काममा आफनो समर्थन रहने कुरा समेत उनले जिकिर गरेका छन् । भने उनले विप्लवलाई आतंक मच्चाउने समूहका रुपमा अर्थ्याएका छन् ।

हेर्नुहोस् उनको ट्विटः

व्यक्तिहत्यामा आधारित राजनीति क्रान्तिकारिता नभई कायरता हो । वार्ताको ढोका बन्द नगरी आतंकका विरुद्ध सरकारले संविधानको दायरामा रहेर गर्ने नियन्त्रणको समर्थन छ। हिजो क्रान्तिका नाममा ‘बादल’ले जे गरे त्यो पनि कायरतापूर्ण कृत्य नै रहेछ भन्ने रामबहादुर थापाले अब त स्वीकार्नु होला कि ?

— Gagan Thapa (@thapagk) March 14, 2019