संवैधानिक परिषद्मको चर्काचर्कीमा भिष्मराजको अर्थपूर्ण सक्रियता, कसको भूमिका के ?

breaking news

- न्यूज नेपाल

काठमाडाैं । प्रधानन्यायाधीश सिफारिसका लागि प्रधानमन्त्री वालेन्द्र शाहले लिएको बहुमतको निर्णयले तरङ्ग पैदा गरिदिएको छ।

संवैधानिक परिषद्को बैठकमा प्रमुख प्रतिपक्षी दलका नेता भिष्मराज आङदेङ्वेले कडा प्रतिवाद गरेपछि बैठक झण्डै दुई घण्टा लम्बिन पुगेको थियो।

परिषद् बैठकमा प्रधानमन्त्री तथा परिषद्का अध्यक्ष वालेन्द्र शाहले मनोजकुमार शर्मालाई प्रधानन्यायाधीशमा सिफारिस गर्ने प्रस्ताव ल्याएपछि उनले असहमति प्रकट गर्दै प्रतिवाद गरेका थिए।

बैठकको अन्तिमसम्म नै भिष्मराजले संविधान, कानून र परम्परा मिच्च नहुनेमा जोड दिएका थिए। वालेन्द्र शाहले भने कार्यक्षमतामा अव्वल भन्दै शर्माको नाममा अड्डी कसेका थिए।

मुद्दाको संख्या देखाउदै वालेन्द्रले अड्डी कस्दा वरिष्ठता नै मानक मान्ने परम्परा रहेको भन्दै उनले भारतको उदाहरण समेत दिएको स्रोतको दाबी छ। भिष्मराजले फरक मत राख्दा राष्ट्रियसभाका अध्यक्ष नारयणप्रसाद दाहालले पनि अन्तिममा लिखित असमति राखेका थिए। यता, श्रम संस्कृति पार्टीबाट उपसभामुख बनेकी रुवीकुमारी ठाकुरले भने कुनै प्रतिक्रिया नभएको भन्दै जवाफ दिएको बताइएको छ।

पूर्वप्रधानन्यायाधीशदेखि न्यायाधीश र कानूनका जानकारहरुले सरकारले लिएको निर्णयले न्यायालय शक्ति सन्तुलनको माध्यम नभई पपेट बन्नसक्ने खतरातर्फ औल्याएका छन्। यद्यपी शर्माको सिफारिसपछि अन्य वरिष्ठ न्यायाधीशले के गर्छन भन्ने चासो देखिन्छ।